Azııa chempıonatynda Qazaqstan, Grýzııa, О́zbekstan, Lıtva, Ýkraına tóreshileri bolady. Sonyń ishinde úsh arbıtr Astana, Almaty jáne Semeı qalalarynan shaqyrylyp otyr.
Halyqaralyq dárejedegi tóreshi Maqsat Ahmetbekovtyń aıtýynsha Qazaqstan atynan Azııa chempıonatynda segiz tóreshi jumys isteıdi. Al qalǵany ózge memleketterden keledi.
«Men Qaraǵandy oblysynan keleıin dep otyrmyn. Barynsha ádil tórelik etemiz degen oıdamyz. О́zim byltyr Álem chempıonatynda bas tóreshi boldym. Qazaqstandyq tóreshilerdiń biliktiligi joǵary deńgeıde. «Qazaqstan Barysynda», Qazaqstan chempıonatynda, iri týrnırlerde tóreshilik jasap júrgenderdiń arasynan iriktep aldyq. Al sheteldik tóreshilerge master klass ótkiziletin bolady. Olardy da syrtta ótken jarystardan iriktep aldyq», - dedi ol.
Qazaq kúresinen chempıonatqa 20 memleketten 80 sportshy qatysady. Jarys 8 salmaqtyq dáreje jáne absolıýttik boıynsha ótedi.
Qazirgi tańda Azııa Chempıonatyna qatysýǵa Japonııa, О́zbekstan, Tájikstan, Mońǵolıııa, Iran, Pákistan men Úndistan memleketteri ózderiniń myqty degen sportshylaryn daıyndap otyr.
Qazaq kúresinen ulttyq quramanyń bas bapkeri Erlan Estek qazaqstandyq balýandardyń daıyndyǵy týraly aıtyp berdi.
«Azııa chempıonatyna 9 salmaq dárejesinde balýandar qatysady. Tamyzdyń 12-nen 24-ine deıin Býrabaı aýdanyndaǵy «Jaqsy» sport kesheninde oqý-jattyǵý jıynynda balalar tyńǵylyqty daıyndalady. 25 tamyz kúni Astanada salmaq ólsheý rásimi ótedi. 26-sy kúresedi. Balýandardyń daıyndyǵy óte jaqsy. Daıyndyqtyń birinshi kezeńin Shymkent qalasynda, ekinshi kezeńin Grýzııa memleketinde ótkizdik. Úshinshi kezeń endi bastalady», - dep sózin túıindedi ol.
Azııa Chempıonaty Qazaqstan Respýblıkasynyń Mádenıet jáne sport mınıstrligi, Astana qalasynyń ákimdigi, Samruq Qazyna ál aýqat qory, ERG Eýrazııalyq tobynyń qoldaýymen júzege asýda. Uıymdastyrýshylary “Halyqaralyq qazaq kúresi federasııasy” ZTB.
Aıta ketsek, Qazaq kúresi (Qazaq kuresi) ulttyq sport túri ǵana emes, ol IýNESKO-nyń materıaldy emes muralar tizimine kiredi. Byltyr Halyqaralyq Qazaq kuresi federasııasy qurylyp, QR Energetıka mınıstri Qanat Bozymbaev federasııa Prezıdenti bolyp saılandy. Jyl saıyn osy sport túrinen birneshe halyqaralyq jáne respýblıkalyq jarystar ótedi. Sonyń biri 2017 jyly ótken Álem chempıonatyna 40 elden 160 balýan qatysty.
