Naryqty zertteý nátıjesinde aýmaǵy 62 sharshy metr baspananyń negizinen eki bólmeli páterler ekeni anyqtaldy. Sonymen birge «7-20-25» baǵdarlamasy arqyly satyp alynatyn baspananyń ortasha quny da esepteldi.
Qazirgi tańda ol kórsetkish 14 mıllıon 68 myń teńgeni quraıdy. Qaryz alýshynyń ortaq sıpaty da belgili boldy.
Ol – Qazaqstan Respýblıkasynyń azamaty, jas shamasy 24 pen 40 jas aralyǵynda, otbasynyń aı saıynǵy tabysy 200 myń teńge kóleminde.
«Qazirgi tańda baǵdarlamaǵa qatysqan kóptegen azamattardyń ótinishteri maquldanǵanyn baıqap otyrmyz. Ol «7-20-25» baǵdarlamasynyń kókeıkestiligin, der kezinde qolǵa alynǵandyǵyn jáne áleýmettik baǵytyn aıqyn dáleldeıdi», - dedi «Baspana» ıpotekalyq uıymynyń Basqarma tóraǵasy Qaırat Altynbekov.
Qaırat Altynbekovtyń sózinshe, jyldyq ústemesi 7% bolatyn «7-20-25» ıpotekasynyń aı saıynǵy tólemi páterdi jalǵa alyp turǵannan arzan shyǵady. «Páter jaldaǵannan kóri óz baspanańda turǵanǵa ne jetsin», - dep qaıyrdy Qaırat Altynbekov.
13 tamyz kúngi jaǵdaı boıynsha Qazaqstan halqynan baǵdarlamaǵa qatysýǵa 15,4 mlrd teńge somasyna 1323 ótinish kelip túsken. Onyń jalpy somasy 9,7 mlrd teńgeni quraıtyn 843 ótinishi bankter tarapynan maquldandy. Qazirgi tańda «7-20-25» baǵdarlamasynyń ıpotekalyq nesıesin Sentrkredıt banki, ATFBank, Bank RBK men SesnaBank arqyly alýǵa bolady.
