Aımaqtar • 15 Tamyz, 2018

Aqtóbe óńirinde egin orý bastaldy

363 retkórsetildi

Ár jyldaǵy egin oraǵynyń ózine tán ereksheligi bolmaı qalmaıdy. Bıylǵy ózgeshelik – aýa raıynyń salqyndyǵy men qolaısyzdyǵy, úzdiksiz jaýǵan jaýynnyń saldarynan kóktemgi egis jumystarynyń aldyńǵy jyldarmen salys­tyrǵanda bir-eki aptaǵa kesh bastalǵandyǵy. Sondaı-aq bıyl Aqtóbe óńirinde dándi daqyldar alqabynyń kólemi ájeptáýir ulǵaıyp, 700 myń gektarǵa jetti.

Aqtóbelik dıqandar alǵa qoı­ǵan maq­sat­taryna qol jetkize ala ma? Bul saýalǵa ázirshe naq­ty jaýap qaıtarý erterek. О́ıt­keni óńir­degi egin alqaptary­nyń basym bóliginde bıdaı masaqtarynyń dándenýi men tolysý kezeńi endi ǵana aıaqtalyp keledi. So­ǵan qaramastan qazirgi kúni al­qaptarda kúzdik bıdaı men arpany orý jumystary bastalyp ketti. Atap aıtqanda, Qobda, Mártók, Muǵaljar jáne Temir aýdanynyń agrarshylary 20 myń gektardan astam egistiktiń ónimin oryp úlgerdi. Mundaǵy ónimdilik ár gektarǵa shaqqanda 7,5 sentnerdi quraıdy. Sýarmaly egistik bolmaǵandyqtan muny tómen kórsetkish deýge bolmas. Mundaı jaǵdaıda bıdaıdyń quramyndaǵy qamyrlylyq mól­sheri joǵary bolady dep tu­jy­rymdaıdy agrarshy ǵalymdar. 

Aldaǵy kúnderde aı­maq­ta jappaı egin oraǵy naý­qany qarqyn alady dep kúti­lýde. Qazirgi kúni oǵan qajet­ti aýyl­sha­rýa­shylyq tehnıka­lary­nyń 98 prosenti jaýapty kezeńdi oıdaǵydaı ótkizý úshin saqadaı saı. Sondaı-aq dıqan­dardy janar-jaǵarmaımen qamta­masyz etý isinde de aıta qal­arlyq­taı kedergiler joq. О́ıt­keni ótken shilde aıynda Aýyl sharýa­shylyǵy mınıstrligi oblystaǵy egin orý naýqanyn qalypty jaǵ­daıda júrgizý úshin 8,5 myń tonna dızeldik otyndy jeńildetilgen baǵamen bólipti. Lıtriniń baǵasy − 162 teńge. Naryqta baǵa 182 teńge ekenin eskersek, munyń ózi astyq ósirý­shi­ler úshin ájeptáýir kómek bolyp shyǵady. Iаǵnı bul jeńil­de­tilgen otyn 11 prosentke arzan. 

Qazir dızeldik otynnyń teń jartysynan astamy oblysqa jetkizilgen. Sondaı-aq birqatar bóligi aýylsharýashylyq taýa­ryn óndirýshilerge bólindi. Búginde oblysta aýa raıy egis orý naýqanyn kidirissiz júrgizýge qolaıly. Osy múmkindikti bos jibermeýge astyq ósirýshiler bir kisideı jumylyp otyr. 

Taǵy bir aıtaıyn degenimiz, óńirde sonaý keńestik kezeńde salynǵan elevatorlar men astyq saqtaý qoımalarynyń birazy keıingi kezde ıesiz qalǵany, endi birazy eskirgeni jasyryn emes. Soǵan qaramastan oblysta 2018 jyldyń ónimin saqtaýǵa qajetti barlyq sharalar jasalǵan. Munda alty qambaǵa astyq qabyldaý úshin arnaıy lısenzııa berilgen. Onyń syrtynda oblystaǵy kóptegen jaýapkershiligi shekteýli serik­testikter men agrofırmalarda ózderiniń astyq saqtaý oryndary bar ekenin eskersek bul iste kidiris bolmaýǵa tıis. 

Temir Qusaıyn,

«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar