Bıylǵy baıqaýda tanymal kásiporyndarmen qatar jańa taýar óndirýshilerdiń de ónimimen tanysýǵa bolady. Kórmege kelýshiler jergilikti ónimmen tanysyp qana qoımaı, unaǵan buıymyn satyp alyp, konserttik baǵdarlamany tamashalaıdy.
«Qazaqstannyń úzdik taýary» kórme-baıqaýy úsh atalym boıynsha ótedi: «О́ndiristik maqsattaǵy úzdik taýar», «Halyqqa arnalǵan úzdik taýar», «Úzdik azyq-túlik taýary». Sarapshylardan quralǵan komıssııa ár atalym boıynsha 3 jeńimpazdy anyqtaıdy. Nátıjesinde 9 taýar óndirýshi Mańǵystaý oblysy atynan Astanada ótetin respýblıkalyq baıqaýda baq synaıdy.
«Qazaqstannyń úzdik taýary»- ulttyq brend deńgeıine kóterilgen bedeldi shara. Sondyqtan da baıqaýǵa qatysý – kásiporyndardyń ózin tanytýǵa, taýaryn jarnamalaýǵa, tutynýshy qataryn arttyrýǵa zor múmkindik bolyp sanalady. Sonymen qatar jańa seriktes tabýǵa, bıznestiń jańa baǵytyn ashýǵa da sep bolmaq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
