Jıynǵa Densaýlyq saqtaý salasynyń mamandary men qoǵamdyq birlestikterdiń ókilderi qatysty. Sonymen qatar Densaýlyq saqtaý mınıstriniń mindetin atqarýshy Alekseı Soıǵa óziniń máselesin jetkizý úshin óńirlerdegi turǵyndar beınekonferensbaılanys arqyly qosylyp, talap aryzdaryn jetkizdi.
Solardyń qatarynda Jambyl oblysy, Turar Rysqulov aýdanynan tikeleı baılanysqa shyqqan Ashat Faızýllın jańa týǵan balasynyń ólimine qatysty T.Rysqulov atyndaǵy aýdandyq aýrýhana dárigerleriniń ústinen shaǵym aıtty.
Turar Rysqulov aýdanynyń turǵynynyń shaǵymyn tyńdaǵan A.Soı atalǵan másele boıynsha Densaýlyq saqtaý mınıstrligine aryz kelip túskenin málimdedi. Sondaı-aq Qoǵamdyq densaýlyq saqtaý komıtetiniń ókili osy is boıynsha jospardan tys tekseris jumystary júrgizilip jatqanyn, tekseris komıssııasynyń quramynda táýelsiz sarapshylardyń bar ekenin jáne olar isti aıaqtaǵan soń Ashat Faızýllınge habar beretindikterin jetkizdi.
Respýblıkalyq qoǵamdyq qabyldaý bólmesinde beınebaılanystan bólek, Astana, Kókshetaý, Atyraý qalasynyń turǵyndary Densaýlyq saqtaý mınıstriniń mindetin atqarýshy A.Soımen betpe-bet jolyǵyp, óz ótinishteri men aryzshaǵymdaryn tikeleı aıtýǵa múmkindik aldy. Alekseı Soı qabyldaýǵa kelgen barlyq turǵynnyń máselelerin tyńdap, aldaǵy ýaqytta tıisti jumystar júrgiziletinin aıtty.
Raýan QAIDAR,
«Egemen Qazaqstan»
