Qazaqstandaǵy barlyq iri kompanııalar men transulttyq korporasııalar tarapynan «KasHım» AQ-tyń ónimderine suranys joǵary. Muny seriktestiktiń kommersııalyq dırektory Ravıl Safıýlın de rastaıdy. «El naryǵynda polıpropılen men polıetılennen jumsaq qaptama jasaý boıynsha jetekshi kásiporynǵa aınalý – birlesken eńbektiń jemisi. Jumysymyzdyń alǵa basýyna memleket tarapynan kórsetilgen qoldaýdyń, jeńildetilgen nesıeniń kómegi kóp boldy. Biz shyǵarǵan tehnıkalyq shpagat pen polıetılen qaptardyń sheteldik ónimderden esh kemi joq», deıdi ol.
Qazir mekemede 200-ge jýyq maman eńbek etedi. Olardyń kópshiligi arnaıy oqytýlardan ótken, zamanaýı tehnologııamen jumys isteýge daǵdylanǵan. О́nimniń jartysyna jýyǵy syrtqy naryqqa shyǵyp otyr. Bir atap óterligi, kásiporyn qaldyqsyz jumys isteýge baǵyttalǵan. Birinshi ónimnen shyqqan qaldyqtar arnaıy qondyrǵyda qaıta óńdelip, ekinshi surypty ónim jasalady.
«KasHım» AQ-tyń aǵa menedjeri Anna Makarova bıyl «Altyn sapa» syılyǵy men «Qazaqstannyń úzdik taýary» baıqaýyna ótinim bergenderin aıtady. Endigi kezekte qosymsha óndiris ǵımarattaryn salyp, ónim túrlerin kóbeıtý josparda bar. Bul óz kezeginde jumyssyzdyq máselesiniń sheshimin tabýyna oń yqpal eteri anyq.
Baqytgúl BABASh,
«Egemen Qazaqstan»
