«Aqtaý teńiz porty» arnaıy ekonomıkalyq aımaǵy 2002 jylǵy QR Prezıdentiniń Jarlyǵymen qurylǵan. Ony qurýdaǵy basty maqsat eksportty damytý jáne joǵarǵy tehnologııalyq óndiristi qurýǵa baǵyttalǵan. Aımaq qurylysy bastalǵaly beri 1200 jumys orny ashylǵan. Keler jyly jalpy quny 69,59 mlrd. teńgeni quraıtyn 6 jańa joba iske asyrylyp,1062 jańa jumys orny qurylady dep josparlanyp otyr. Mańǵystaý oblystyq máslıhat depýtaty Mereke Dúısenbaev arnaıy ekonomıkalyq aımaqtyń erekshe bolýy el ekonomıkasyna qarjy tartýǵa yńǵaıly jaǵdaı jasaıtyndyǵyn atap ótti.
- «Nur Otan» partııasynyń Saılaýaldy baǵdarlamasy boıynsha qurylǵan «Indýstrııalyq damý» saraptamalyq komıssııasy «Aqtaý teńiz porty» arnaıy ekonomıkalyq aımaǵyndaǵy ınvestısııalyq jobalarmen tanysty. О́ńirimizde qolaıly ınvestısııalyq klımat qalyptasqan. Bul jobalar elimizdiń ekonomıkasyna eleýli úles qosatyn jobalar bolyp tabylady.
Aımaqta 17 joba júzege asyrylýda, dedi ol. 2018 jyly jalpy quny 10,5 mlrd. teńgeni quraıtyn 4 joba – «Steelworking Center» JShS bolat ónimderin óndirý, «Aqtaý-EnergoMash» JShS kabelder men transformatorlar óndiretin zaýyt, «Satex Chemie» JShS bıtým emýlsııasy negizinde gıdrooqshaýlaǵysh materıaldardy óndirý jáne polımerli oraý óndirisi júzege asyrylyp, 262 jańa jumys orny ashylady dep josparlanǵan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
