Bilim • 17 Tamyz, 2018

Bilim jáne ǵylym mınıstrligi jańa oqý jylyn birqatar jańalyqtarmen bastaǵaly otyr

521 ret kórsetildi

Bıyl Bilim jáne ǵylym mınıstrligi jańa oqý jylyn birqatar jańalyqtarmen bastaǵaly otyr. 2018-2019 oqý jylynda mektepte oqıtyn balalar sany shamamen 2 mln 990 myńǵa jetpek. Álbette bul málimet birinshi qyrkúıekke deıin áli tolyǵa túsetinin eskergenimiz jón. Onyń ishinde birinshi synypqa qabyldanatyn baldyrǵandardyń sany 1 tamyzdaǵy esep boıynsha – 329 346 oqýshy. 

6 jasqa tolmaǵandar da mektepke barady

Oqý jylynyń 1 qyrkúıekten  bastalatynyna qaramastan, balany mektepke berý sharalaryn aldyn-ala oılastyrǵan jón. Bıyldan bas­tap elimizdegi jalpy bilim beretin uıymdardyń uıǵarymy boıynsha birinshi synypqa jeti jasqa tolǵan balalar jáne  aǵymdaǵy kúntizbelik jyly alty jasqa tolatyn balalar da qabyldanatyn bolady.  Iаǵnı qyrkúıek-jeltoqsan aılarynda týǵan balalar birinshi synypqa bara alady. Sebebi kúntizbelik jyldyń sońyna deıin olar tolyq alty jasqa tolady jáne mektepke qabyldanýǵa quqyǵy bar. Sondaı-aq tıptik erejelerge sáıkes, bilim alýshylardyń daıarlyq deńgeıi jáne damý dárejesi boıynsha synyptardy tolyqtyrýǵa jol berilmeıdi, bir synyptaǵy oqýshylar sany 25-ten aspaýy tıis.

Dırektorlar ortaq kelisimmen taǵaıyndalady

Aǵymdaǵy jyly elimizdegi mek­tep­terdi akkredıtteý jáne mektep dırektorlaryn taǵaıyndaý máse­lesinde birqatar ózgeris bolmaq. Vıse-mınıstr Ashat Aımaǵambetovtiń aı­týynsha, endigi ýaqytta bilim bas­qar­malary men bólimderi mektep dırek­torlaryn derbes taǵaıyndaı almaı­dy. Budan bylaı olar «Daryn» ortalyǵymen ortaq kelisimge kelýge mindetti.

Aǵylshyn tilinde sabaq berile bastaıdy

Jańa oqý jylynda keıbir mektepter 10 jáne 11 synyptar úshin birneshe pándi aǵylshyn tilinde oqytpaq. Mı­nıstrliktiń josparyna súıensek, taıaý ýa­qytta qazaqstandyqtar pánderdiń 80%-in aǵylshyn tilinde oqyp úırenýi kerek. Búgingi tańda olarǵa dáris berý úshin aǵylshyn tilin V2 deńgeıinde bi­letin 7 myń pedagog daıyn. Atalǵan mu­ǵa­limder hımııa, fızıka, bıologııa, ınformatıka pánderin aǵylshyn tilinde oqytady. Sondyqtan 2018-2019 oqý jylynda jalpy bilim bere­tin 2 myń mektep nemese mektep­ter sanynyń 41 prosenti tórt pándi aǵyl­shyn tilinde oqytýdy bastaıdy. Alaıda bul eki myń mektep qyr­kúıekten bastap aǵylshyn tilinde oqy­týǵa tolyq kóshedi degen sóz emes. Mınıs­trliktiń aıtýynsha, munda arna­ıy ádisteme men tehnologııa bar. Kelesi jyly 12 myń pedagog aǵyl­shyn tilinde sabaq berýge daıyn bolady dep kútilýde.

Jańa pánder engiziledi

Sondaı-aq kelesi 2019-2020 oqý jylynan bastap elimizdiń barlyq orta mektepterinde «Kásipkerlik negizderi» páni 10-11 synyp oqýshylaryna aptasyna eki ret oqytylady. Bıylǵy oqý jylynan bastap osy pán boıynsha baǵdarlama jáne oqýlyq aprobasııadan ótpek. Aprobasııa elimizdiń barlyq 17 óńirinde júrgizilip, mektep muǵalimderi tıisti kýrstardy aıaqtady. Mınıstrlik atalǵan pán oqýlyǵynyń birinshi nusqasy daıyn ekendigin jetkizdi.

Aǵymdaǵy jyldyń qazan aıynan bas­tap mektepterge jańadan «О́lketaný» páni engiziledi. Integrasııalanǵan oqýlyqty 5-6-7 synyp oqýshylary qazaq jáne orys tilderinde oqıtyn bolady. Kitaptyń mazmuny Bilim jáne ǵylym mınıstrligi men óńirlerde qurylǵan arnaıy sarap­tamalyq komıssııanyń tekserisinen ótip maquldanǵan. Qurastyrýshy 8 avtor jıyrma saǵattyq baǵdarlamada bala óz betinshe izdenýge beıimdeletindigin aıtady. Mınıstrlik tapsyrysy boıynsha daıyndalǵan oqýlyq Elbasynyń «Rýhanı jańǵyrý» baǵdarlamasyn negizge alǵan. Kitapqa tarıh, qazaq ádebıeti, geografııa, mýzyka sııaqty 4 pán kirip otyr.  

Elektrondy júıe jumysty jeńildetedi

Jańa oqý jyly qarsańynda barlyq mekteptiń oqýlyqtarmen 100 prosent qamtylýy, onyń ishinde jańartylǵan bilim berý mazmuny bar oqýlyqtar sanynyń jetkilikti bolýy mınıstrlik tarapynan qatań qadaǵalanýda. Sonymen qatar jańa oqý jylynan bastap mekteptegi qaǵazbastylyq máselesin de qysqartý qolǵa alynbaq. Elektrondy kúndelik pen elektrondy jýrnaldar, ata-analarmen baılanys ornatý úshin arnaıy daıarlanǵan uıaly qosymsha­sy qa­ǵazbastylyqty birshama azaıtpaq. 1 sy­nypqa elektrondy qabyldaý júıesi de ustazdardyń jumysyn jeńildetedi. 

Ustazdar qaýymy úshin taǵy bir jańalyq – bıyl bilim berýdiń jańa baǵdarlamasyna sáıkes, attestasııadan jalpy bilim beretin orta mektepterdiń muǵalimderi ǵana ótse, endi qarasha aıynan bastap psıhologtar da ótetinin aıta ketkenimiz jón.

3 mln balaǵa kómek kórsetildi

Bıyl on birinshi ret uıym­das­tyryl­ǵan «Mektepke jol» aksııa­sy 1 tamyzdan 30 qyrkúıekke deıin jal­ǵasady. Mınıstrliktiń Bala­lar­dyń qu­qyǵyn qorǵaý komıtetiniń tóraǵasy Nurbek Orshybekovtyń málim­deýinshe, osy ýaqyt aralyǵynda aksııa boıynsha 3 mıllıonǵa jýyq balaǵa 17 mıllıard teńgeden astam materıal­dyq kómek kórsetildi. «О́tken jyly atalǵan kómekke qol jetkizgen bala sany 316 myń oqýshyny qurap, qaıy­rymdylyq kómektiń somasy 3 mıllıard teńgege jetken. Búginde kómekke muqtaj balalardyń sany shamamen 323 myń bala, bul tizim áli de tolyǵady», dedi Balalardyń quqyqtaryn qorǵaý komıtetiniń tóraǵasy.

Mıras ASAN, 

«Egemen Qazaqstan»

Sońǵy jańalyqtar

Muraǵattar muń shaǵady

Ádebıet • Keshe

Búgin – Eńbek kúni

Qazaqstan • Keshe

Petropavlda jedel járdem kóligi aýdarylyp qaldy

Aımaqtar • 26 Qyrkúıek, 2020

Aqtaýda geologtar alleıasy ashyldy

Aımaqtar • 26 Qyrkúıek, 2020

Oralda Juban Moldaǵalıevke eskertkish ashyldy

Rýhanııat • 26 Qyrkúıek, 2020

Almatyda 500 oryndyq jańa aýrýhana salyndy

Aımaqtar • 26 Qyrkúıek, 2020

Elimizde birqatar poıyz qozǵalysy ózgertildi

Qazaqstan • 26 Qyrkúıek, 2020

Shekten shyqqan ahýal joq

Aımaqtar • 26 Qyrkúıek, 2020

Demalys kúnderi aýa raıy qandaı bolady

Aýa raıy • 26 Qyrkúıek, 2020

Epızootıkalyq jaǵdaı turaqtanýda

Aımaqtar • 26 Qyrkúıek, 2020

Batys Qazaqstanda qos aqynnyń toıy ótip jatyr

Aımaqtar • 26 Qyrkúıek, 2020

О́tken táýlikte 170 adam jazylyp shyqty

Qazaqstan • 26 Qyrkúıek, 2020

Qazaqstanda taǵy 69 adam indet juqtyrdy

Koronavırýs • 26 Qyrkúıek, 2020

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Uqsas jańalyqtar