Eki komanda da Eýrododa básekesin Chempıondar lıgasynyń irikteý kezeńinen bastaǵan bolatyn. Kıprdiń komandasy birinshi irikteý kezeńinde Lıtvanyń «Sýdýve» (1:3, 1:0) komandasynan sensasııaly túrde jeńilip, Eýropa lıgasyna tússe, «Astana» klýby atalǵan týrnırdiń úshinshi iriketý kezeńinde Horvatııanyń «Dınamosynan» (0:1, 0:2) jeńilip qaldy.
Eki komandanyń arasyndaǵy alǵashqy kezdesý 23-tamyz kúni Kıprde ótse, qarymta match 30-tamyz kúni «Astana Arena» stadıonynda ótedi dep josparlanǵan.
Aıta keteıik, «Astana» Eýrokýbog aıasynda APOEL komandasymen úshinshi márte kezdeskeli tur. 2015 jyly elorda komandasy APOEL klýbyn Chempıondar lıgasynyń pleı-off kezeńinde jeńip (1:0, 1:1), tuńǵysh ret atalmysh týrnırdiń toptyq kezeńine túsken bolatyn. Araǵa jyl salyp eki komanda Eýropa lıgasynyń toptyq kezeńinde kezdesip, ár qaısysy óz alańynda 2:1 esebimen jeńiske jetken.
