Irikteý saıysy boıynsha búgin 19.00-de «Qazanat» atshabarynda kókpar uıymdastyrylsa, erteń 10.00-de L.N.Gýmılev atyndaǵy Eýrazııa ulttyq ýnıversıtetiniń sport kesheninde toǵyzqumalaq, saǵat 18.00-de «Qazanat» atshabarynda kókpardan fınal ótedi.
Ulttyq sport túrlerinen Astana qalasynyń 20 jyldyǵy aıasynda «Uly dala rýhy» respýblıkalyq festıvali ótýde.
Elimizdiń barlyq óńirin qamtyp jatqan festıvaldiń ıdeıa avtory – QR Mádenıet jáne sport mınıstri Arystanbek Muhamedıuly. Ulttyq sporttyń kókpar, báıge, teńge ilý, aýdaryspaq, jamby atý, qazaq kúresi, toǵyzqumalaq, asyq atý túrinen ótetin jarystar komandalyq tártipte júrgiziledi.
Eki aıdan astam ýaqytqa sozylatyn bul festıval II kezeńge bólingen. I kezeń aımaqtyq irikteý jarystary. Alǵashqy kezeń básekesi tórt aımaqta ótedi. Sondaı-aq, kókpar, qazaq kúresi, toǵyzqumalaq, asyq atý sport túrleriniń irikteý básekelerin aımaqtyq óńirlerde, al aýdaryspaq, jamby atý, teńge ilý sport túrleriniń irikteý básekeleri Astana qalasynda ótedi. Aımaqtardaǵy irikteý jarystary 31 tamyzda márege jetedi. Elimizdegi 14 oblys, 3 qala komandalary arasynan úzdik shyqqan komandalar festıvaldiń II kezeńi fınalda óner kórsetedi.
Alǵashqy úsh aımaq irikteý jarystary óz máresine jetti. Aımaq boıynsha irikteý jarystarynyń jeńimpaz komandalary anyqtaldy. Festıvaldiń irikteý jarystaryn soltústik aımaq qorytyndylaıdy Soltústik aımaq irikteý jarystaryn Astana qalasy qabyldaıdy. 17-19 tamyz aralyǵynda, kókpar «Qazanat» atshabarynda ótkiziledi. 29-31 tamyz aralyǵy «Qazanat» atshabarynda teńge ilý, asyq atý, jamby atýdan baıraqty básekeler ótedi. Soltústik aımaq irikteý jarystaryna: Aqmola, SQO, Qostanaı oblystary men Astana qalasynan 160 sportshy qatysady dep kútilýde.
