Mereıtoıǵa Parlament depýtattary, memlekettik organdar jetekshileri, qoǵam qaıratkerleri, belgili ǵalymdar, shyǵarmashylyq zııaly qaýym jáne jurtshylyq ókilderi qatysty.
Is-sharaǵa qatysýshylar Buqar jyraý eskertkishine gúl shoǵyn qoıdy. Odan keıin «Kúmis kómeı áýlıe» atty teatrlandyrylǵan qoıylymdy tamashalady.
Memlekettik hatshy Qazaqstan Prezıdenti Nursultan Nazarbaevtyń saltanatty is-sharaǵa qatysýshylarǵa arnalǵan quttyqtaý hatyn oqyp berdi. Onda Buqar jyraý qıyn-qystaý jyldarda ótkir jyrlarymen eldi uıytyp, ata mekenimizdi jaýdan qorǵaýǵa shaqyrǵan kórnekti tulǵa delingen. Biz – baqytty urpaqpyz, óıtkeni uly babamyz armandaǵan birtutas ult jáne qýatty memleket qurdyq. Sondyqtan Buqar jyraý murasy árdaıym ózekti bolyp qala beredi.
Buqar jyraý – HVIII ǵasyrdaǵy aýyz ádebıeti poezııasynyń uly ókili. Ol Təýke hannyń tusyndaǵy yqpaldy bılerdiń biri, sondaı-aq Abylaı hannyń bas keńesshisi boldy. Tóle, Qaz daýysty Qazybek jəne Əıteke bılermen birlesip, jalpy qazaq quqyq zańdarynyń jıyntyǵy «Jeti jarǵyny» ázirleýge qatysty.
Jyraý arab, parsy, qytaı tilderin jetik meńgergen, ádilettiktiń jaqtaýshysy retinde izgilik pen aqıqatty tý qylyp ustady, tabıǵattyń tańǵajaıyp kórinisin jyrlady. Jyraýdyń basty ustanymy halyqtyń birligi boldy.
Is-shara aıasynda estrada juldyzdarynyń, Qaraǵandy oblysynyń shyǵarmashyl toptarynyń – Táttimbet atyndaǵy akademııalyq qazaq halyq aspaptary orkestriniń jáne Q.Baıjanov atyndaǵy konserttik birlestik ónerpazdarynyń qatysýymen konsert ótti.
Sondaı-aq qazaqsha kúres, aýdaryspaq, alaman báıge, top báıge, qyz qýý, kókpar jáne basqa da ulttyq sport túrlerinen jarystar ótti.
