Túrkistannyń jańa dáýiri bastaldy

О́tken juma oblystyq mekemeler tarıhynda, mekeme qyzmetkerleriniń ómirbaıanynda óshpesteı iz qaldyratyn kún boldy. Olaı deıtinimiz, Túrkistan ob­lysy ákimdiginiń memlekettik qyz­metkerleri Shymkent qalasynan ob­lys ortalyǵy – Túrkistan sha­haryna kóshti. Bul jolǵy kósh merekelik reńk alyp, tarıhı sát este qalatyndaı ótti. Kóńildi áýen, patrıottyq ánder, kólikterdegi jigerlendiretin jazýlar, kóshe­tin­derdiń kóterińki kóńil kúıi... zamanaýı qondyrǵylar arqy­ly beınetaspaǵa jazylyp, fotoǵa túsirilip jatty. Salta­nat­ty kóshtiń resmı bóligin ash­qan oblys ákimi Janseıit Túıme­baev eki ǵasyr boıy Qazaq han­dy­ǵynyń astanasy bolǵan, mańyzdy sheshimder qabyldanǵan Túr­kistanǵa at basyn buryp, qyzmet etýge bara jatqan azamattar, jalyndy jastar tarıh aldyndaǵy uly murattarynyń birin oryndap jatyr deýge tolyq negiz bar ekenin atap ótti.

– Árbir memlekettiń, árbir oblystyń, árbir qalanyń tarıhynda jaýapty kezeńder bolady. Bıyl 19 maýsymda Elbasy Jarlyǵymen burynǵy Ońtústik Qazaqstan oblysy Túrkistan oblysy bolyp qurylyp, onyń ortalyǵy dep Túrkistan qalasy bekitildi. Bul tarıhı sheshimge 2 aı jeter-jetpes ýaqyttyń ózinde biz tynbaı jumys istep, Elbasy Jarlyǵyn oryndaýǵa bar kúshimizdi saldyq. Túrkistan qalasynda oblys ákimdigine qarasty 24 basqarma men oblystyq máslıhat, qoǵamdyq keńes pen departament qyzmetkerleri otyratyn keńseler daıarlandy. Búgin biz úlken kóshti bastaıyq dep otyrmyz. Kezinde Elbasy Astanaǵa kósher kezde «Almatyǵa syımaı emes, Almatyny qımaı ketip baramyz» degen eken. Biz de Shymkentke syımaı emes, ony qımaı ketip baramyz. Túrkistan – bar qazaqtyń rýhanı astanasy. Sondyqtan ony damytýǵa, ór­ken­detýge kúsh salýymyz qajet. She­jireli qalanyń týrıstik áleýeti kóterilip, jańa jumys oryndary ashylady. Mine, endi Túrkistan oblysy men Túrkistan qalasynyń jańa dáýiri bastaldy, – dedi oblys ákimi.

Al belgili jazýshy, «Alash» ha­lyqaralyq syılyǵynyń laý­reaty Marhabat Baıǵut orny­ǵyp qalǵan ornynan kóshý ońaı bol­mastyǵyn, alda qıyndyq­tar kezdesetinin, «sol qıyndyq­tar­dy jumyla isteıtin jumys jeńe­tinin» aıtty. Memleket jáne qoǵam qaıratkeri Shalataı Myr­zahmetov ákimdik qyzmetkerlerine qyzmette jetistikter men tabys tiledi. Shyǵaryp salýshylar da qur qol kelmepti, jol júre­tinderge qymyzy men baýyrsaǵyn taratqandar kóp. О́ńir basshysy bastaǵan úlken kóshtiń quramynda oblys ákiminiń orynbasarlary jáne apparat basshysy, oblystyq máslıhat hatshysy men apparaty, oblystyq qoǵamdyq keńestiń tóraǵasy jáne apparaty, «Nur Otan» partııasynyń oblystyq fılıaly tóraǵasynyń birinshi orynbasary jáne qyzmetkerleri, oblystyń zııaly qaýym ókilderi, oblys ardagerleri, quzyrly organ basshylary, ákim apparaty qyzmetkerleri, 28 aýmaqtyq departamenttiń basshylary men qyzmetkerleri, 24 oblystyq bas­qarma basshylary men qyzmet­ker­leri, respýblıkalyq jáne jer­gilikti BAQ ókilderi syndy, jalpy sany myńǵa jýyq adam bar.

Osylaısha myńǵa jýyq mem­le­kettik qyzmetker turǵyndar sa­ny artyp, soǵan oraı qala tirshi­ligi ózgerip, jańa dáýiri bastal­ǵan Túrkistanda jumysyn jalǵas­tyrady.

Ǵalymjan ELShIBAI,

«Egemen Qazaqstan»

Túrkistan oblysy