Tilegimiz – tynyshtyq! – deıdi Jańaózendegi jaǵdaıdy oı eleginen ótkizgen otandastarymyz

О́ZARA TÚSINISTIK QAJET

Jańaózen qalasynda bol­ǵan bizdiń qoǵamymyz úshin óte qolaısyz, jaǵym­syz jaǵ­daı barshamyzdyń júregimiz­ge aýyr tıdi. Men osy qalada ótken ǵasyrdyń 70-shi jyl­dary­nyń basyn­da eńbek jo­lym­dy munaı kásipshiliginde ınjener bo­lyp bastaǵan edim.

Sodan beri jastyq jigermen eńbek etip, ár kezeńde ár­túr­li qyzmetter atqaryp, osy qala­nyń ystyǵyna kúıip, sýy­ǵy­na bir kisideı tońǵan adammyn. Son­dyqtan osynda oryn alǵan keleńsiz jaǵdaı tóbemizden jaı túskendeı meniń de qabyrǵamdy qaıystyrdy.

Bul qala jasampaz eńbektiń, baýyrmal dostyqtyń, bereke-bir­liktiń qalasy bolatyn. Qazirgi­den anaǵurlym qıyn kezde de tuıyqqa tirelgen barlyq másele­ler­diń sheshimi tabylyp, túıin­deri túsinis­tikpen tarqatylatyn. Bizdiń aldy­myz­daǵy aǵa urpaq, olardyń izin basqan bizder barly­ǵyn óz qo­ly­myzben tur­ǵyz­dyq. Munaı ká­sip­shi­likteri ıgerildi, jol­dar sa­lyn­dy, zaýyt­tar tur­ǵy­z­yldy, ja­pan dalada qala kóterildi.

Onyń ber ja­ǵyn­da, Táńirdiń bergen sy­­ıy Qazaqstannyń táýel­siz­digine qol jet­­kizdik. Egemen el bol­dyq. Elbasymyz el tiz­­ginin qo­ly­na aldy. Eńsemizdi kó­ter­dik. Bú­ginde kózimizben kórip, qoly­myzben ustap otyrǵandaı Ota­ny­­myz Qazaq­stan búkil álemge tany­lyp, damýdyń dańǵyl jolyna shyqty.

Barlyq elimizben birge Jańa­ózende de jasalyp jatqan ıgi ister az emes. О́tken eki shaqy­ry­lymnyń depýtaty retinde jastyq shaǵym­nyń qalasy Jańaózenniń talaı áleýmet­tik máselelerin sheshýge atsalystym.

Árıne, qandaı damyǵan qoǵam­da bolsa da sheshimi tabylý­ǵa tıis problemalar az bolmaıdy. Eńbek daýy qaı jerde de bar. Biraq ol qantógis jolymen sheshilmeýi tıis. Adamı parasat, túsinikti negizde, zań jolymen ǵana sheshilýi kerek. Osy daǵ­darystaǵy eń bir qıyn jaǵdaı – qan tógildi, adam ólimine jol berildi. Marqum bol­ǵan otandas­tary­myzdyń jaqyn-týystaryna kóńil aıta oty­ryp, osy áleýmettik daǵ­darys­tan shy­ǵý­dyń birden-bir joly elimizdiń zańnamasyn basshy­lyqqa alý, sa­byrlylyq, aqylǵa jeńdirý já­ne ózara túsinistik degim keledi.

Elbasymyz N.Á.Nazarbaev eli­miz­di ótken jıyrma jylda nebir qıyn-qystaý joldardan alyp ótken, basymyzǵa túsken osy qıynshylyqtan da alyp ótetin­digine, túıindi tóreligin aıtatyn­dyǵyna esh kúmán joq.

Zeınolla ALShYMBAEV, 3, 4-shi shaqyrylǵan Parlament Májilisiniń depýtaty.

Astana.