Prezıdent • 20 Tamyz, 2018

Nursultan Nazarbaev Alık Shpekbaevty qabyldady

168 ret kórsetildi

Nursultan Nazarbaev Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady.

Kezdesý barysynda Alık Shpekbaev Memleket basshysyna buǵan deıingi berilgen tapsyrmalardyń oryndalýy jáne aldaǵy kezeńge arnalǵan josparlary jóninde baıandady.

– Búginde eki mınıstrlik pen eki ákimdik bazasynda pılottyq joba júzege asyrylýda. Nátıjesinde osy memlekettik organdardaǵy qyzmetshilerdiń jalaqysy eki eseden astam ósti. Bul quzyrettiligi joǵary mamandardy jumysqa qabyldaýǵa múmkindik beredi. Osy tájirıbeni memlekettik qyzmettiń barlyq júıesine tartý qajet, – dedi Qazaqstan Prezıdenti.

Sonymen qatar, Agenttik tóraǵasy sybaılas jemqorlyqqa qarsy is-qımyldardy kúsheıtýge, kórsetiletin memlekettik qyzmetti elektrondy formatqa kóshirýdi jalǵastyrýǵa, memlekettik qyzmetshilerdiń eńbek aqysyn jáne memlekettik organdardyń birinshi basshylarynyń derbes jaýapkershiligin arttyrýǵa qatysty qabyldanǵan sharalar jóninde málimdedi.

Kezdesý sońynda Memleket basshysy birqatar naqty tapsyrma berdi.

Sońǵy jańalyqtar

Shyǵysqa qar tústi

Aımaqtar • Keshe

Uqsas jańalyqtar