Elbasynyń, Úkimettik komıssııa men jergilikti ákimdikter, quqyq qorǵaýshylar men adal nıetti adamdarynyń birige jumys isteýi nátıjesinde Jańaózendegi jaǵdaı turaqtalyp keledi. Qalanyń komendanty, oblystyq ishki ister departamentiniń bastyǵy, polısııa polkovnıgi A.Qabylovtyń aıtýynsha, ótken kúni tártip buzýshylyq faktileri tirkelmepti. Keshe túnde jýrnalısterge Premer-Mınıstrdiń birinshi orynbasary О́.Shókeev basshylyq etetin Úkimettik komıssııa basshylarynyń atqarylǵan jumystary tanystyryldy. Ol málimetter boıynsha, búgingi tańda qaladaǵy búlinshilikke ushyraǵan shaǵyn aýdandardaǵy elektr júıeleri, jylý jáne sýmen qamtý jelilerindegi aqaýlar joıylyp, iske qosyldy. Iаǵnı, barlyq ınjenerlik ınfraqurylym nysandary kidirissiz, óz kestesimen jumys isteýde. Halyq bankiniń qyzmetkerleri tolyq quramda ınkassasııa qyzmetimen birge óz jumysyn bastady. Alıans bank fılıaly búginnen bastap jumys isteıdi. Ekinshi deńgeıdegi bankter qyzmeti jolǵa qoıylýy úshin negizgi nysandardaǵy bankomattar qaıtadan qalpyna keltirilýde. Sóıtip, turǵyndardyń tıisti aqshalaryn alyp, saýda jasaýlaryna múmkindik týǵyzylýda. Quqyq qorǵaý qyzmetkerleriniń kómegimen «О́zenmunaıgaz» óndiristik fılıalynyń qyzmetkerlerin óndiris oryndaryna aparyp-ákelý qaýipsizdigi jolǵa qoıylýy nátıjesinde jumysqa shyqqandar sońǵy kúnde 81 paıyzǵa artty. Naýbaıhanalar men jekelegen saýda oryndary turǵyndarǵa qyzmet kórsete bastady. Bul iste de quqyq qorǵaý organdarynyń kómegi men halyqtyń izgi nıetteri baıqalady.
Turǵyndardy azyq-túlikpen qamtamasyz etý de nazarda ustalyp otyr. Bul rette jyljymaly avtodúkender qyzmeti uıymdastyrylyp, qala turǵyndaryna ondaǵan tonna un, kúrish, qant, kartop, kókónister jetkizilip satyldy. Úsh kúnnen beri «Kaspıı bereket» JShS-niń alty dúkeni qalypty jumys istep tur. Iаǵnı, azyq-túlik tapshylyǵy joq.
Qalanyń búlinshilikke ushyraǵan bólikterin, ortalyq kóshelerdi tazalaý, qalpyna keltirý de bastaldy. Oǵan da turǵyndar óz úlesterin qosýda.
Keshe oblys ákimdiginde Jańaózen qalasy men Shetpe stansasynda oryn alǵan tártipsizdikterge jáne soǵan oraı júzege asýdaǵy júıeli jumystar jaıly baspasóz máslıhaty uıymdastyrylyp, onda Elbasynyń Jańaózende tótenshe jaǵdaı jarııalaý týraly sheshimi talaı adamnyń ómirin saqtap qalǵandyǵy atap kórsetilip, О́.Shókeev basqarǵan Úkimettik komıssııanyń halyq arasynda júrgendigi, Ishki ister mınıstri Q.Qasymovtyń jetekshiligindegi jedel-tergeý tobynyń jumysynyń nátıjeli júrýde ekendigi aıtyldy. Sondaı-aq halyqty sabyr saqtaýǵa, parasattylyq tanytýǵa shaqyrdy. Jazyqsyz japa shekken otbasylarǵa, azamattarǵa tıisti kómek pen qoldaý kórsetiletindigi jetkizildi.
Quqyq qorǵaý oryndarynyń málimeti boıynsha ótken túnde de qoǵamdyq tártip buzýshylyq faktisi bolǵan joq. Ýaqytsha jańa orynǵa ornalasqan qalalyq ákimdik, onyń bólimderi óz jumystaryna kiristi. Turmystyq qyzmet kórsetýshi qurylymdar jumysy da jolǵa qoıylýda. Qysqasy, qalanyń jaǵdaıy turaqtalyp keledi.
Jolaman BOShALAQ.
Mańǵystaý oblysy.
