Aımaqtar • 22 Tamyz, 2018

Jyldyń «Ádemi áýezdi azanshysy» anyqtaldy

864 ret

kórsetildi

1 mın

oqý úshin

«Nur Ǵasyr» meshitiniń 10 jyldyq mereıtoıyna oraı uıymdastyrylǵan III respýblıkalyq «Ádemi áýezdi azanshy» jarysy óz máresine jetti. Tóreshiler sheshimimen, Qyzylorda oblysy, «Aqmeshit-Syrdarııa» meshitiniń ustazy Shyńǵys Japparhanuly «Ádemi áýezdi azanshy – 2018» degen atqa laıyq dep tanyldy. Báıge jeńimpazyna 1 000 000 teńgeniń qarjylaı sertıfıkaty men baıqaýdyń estelik kýbogi syıǵa berildi. Marapatty jarys demeýshisi Qulǵazıev Kelbatyr myrza saltanatty túrde tabystady. Aıta ketý kerek, jarys jeńimpazy atanǵan Shyńǵystyń jasy nebary 24-te. Ol – búgingi baıqaýdyń eń jas qatysýshysy.

Egemen Qazaqstan

Jyldyń «Ádemi áýezdi azanshysy» anyqtaldy

Jarystyń II júldeli ornyn «Nur Astana» meshitiniń azanshysy Hadırshaev Salman Abdýlhafızuly ıelendi. Elorda mereıin asqaqtatqan azamatqa arnaıy kýbok jáne Ýmra qajylyǵyna joldama berildi. Úzdik úshtikti qorytyndylaǵan «Máshhúr Júsip» meshitiniń azanshysy Temirǵalıev Serik (Pavlodar) III júldeli oryndy jeńip aldy. Ol arnaıy kýbokpen jáne 300 000 teńge kóleminde qarjylaı sertıfıkatpen marapattaldy.

О́zge qatysýshylardan oza shapqan taǵy da 2 qatysýshy yntalandyrý júldesine ıe boldy. Taldyqorǵan óńirinen kelgen Ǵazız Nurjol men atyraýlyq azamat, «Isataı-Mahambet» meshitiniń bas ımamy Imanǵalıev Erjanǵa 100 000 teńge kóleminde qarjylaı syıaqy jáne Alǵys hattar tabys etildi. Baıqaýdyń budan ózge barlyq qatysýshylaryna 50 000 teńgeden berildi.