Jobany iske asyrýdyń ınvestorlary — qazaqstandyq GreenTechnology Industries kompanııasy men Hong Kong General Industry And Commerce Co Ltd (QHR) sheteldik seriktes kompanııasy.
Qazirgi tańda zaýytta PET qaldyqtardy jýý, keptirý jáne bólshekteý boıynsha óndiristiń birinshi kezeńi iske qosyldy — 73 adam jumys istep júr. Búginde kompanııa kelesi kezeń — shtapeldik talshyq shyǵarýdy uıymdastyrýdy qolǵa aldy.
Hong Kong General Industry And Commerce Co Ltd (Gonkong) — Tianrun Group halyqaralyq holdınginiń enshiles kompanııasy. Bul seksııalyq jylytý radıatorlarynyń eń iri óndirýshisi jáne eksporttaýshysy. Holdıngtiń aınalymy jylyna $400 mln quraıdy, Qytaı men Eýropada óndiristik qýattylyqtary bar.
Kazakh Invest tarapynan jobany gazben jabdyqtaý jelilerine qosý kezinde, sondaı-aq sheteldik seriktes kompanııanyń basshylyǵy men mamandaryna jumys vızasyn alý kezinde kómek kórsetildi.
Resmı statıstıka boıynsha, jyl saıyn Qazaqstanda 5–6 mln tonna qatty turmystyq qaldyqtar (QTQ) jınalady, onyń shamamen 150–200 myń tonnasyn PET qaldyqtar quraıdy. Sonymen qatar, QTQ-nyń tek 3–5% qaıta óńdeledi nemese kádege jaratylady.
«Atalǵan joba Qazaqstanda alǵash ret PET qaldyqtar daıyn ónim – shtapeldik talshyq shyǵarýǵa jumsalatyndyǵymen biregeı. Sıntetıkalyq talshyqtyń bul túri myjylmaıdy, kúıip ketpeıdi jáne kóp ýaqyt boıy beriktigin saqtaıdy, gıpoallergendi qasıetke ıe. Odan jasalǵan zattar qolmen ustaǵan kezde jaǵymdy, ońaı jýylady. Sondaı-aq, ónim qurylys qospalarynda qoldanylatyn bolady, osylaısha qurylys jumystarynyń sapasyn jaqsartýǵa jol ashady», — dedi GreenTechnology Industries atqarýshy dırektory Klara Ábdirahmanova.
Budan ózge, polıefırlik talshyqtardan 3D prınterde basyp shyǵarýǵa paıdalanylatyn fılamentke arnalǵan (1,75 nemese 3 mm plastmassa jip) materıal jasaýǵa bolady.
Jobanyń jalpy quny — $20 mln. Jyl saıyn zaýytta 50 000 tonna daıyn ónim shyǵarylady dep josparlanǵan.
