Bul aspap kólik júrgizýshige jyldamdyqty asyrǵany úshin aıyppul belgilemeı-aq, tek qana eskertedi. Osyndaı jol belgileri Býrabaı, Selınograd, Zerendi aýdandarynda jáne Kókshetaý qalasynda ornatyldy. Atalǵan avtojoldarda, ásirese jaz aılarynda jolaýshy kóp.
– Belgiler jol qozǵalysy qaýipsizdigin qamtamasyz etý úshin qajet. Jyldamdyq shamadan tys asyp ketse, qyzyl tús, eger qalypty bolsa jasyl tús janady, – deıdi oblystyq Ishki ister departamentiniń aǵa ınspektory, polısııa maıory Aıbek Hasenov.
Jyl basynan beri oblys boıynsha jyldamdyqty mólsherden kóp asyrǵan 12 500 júrgizýshi ákimshilik jaýapqa tartylypty. Endigi arada jańa aspap jol apatyn azaıtýǵa yqpal etpek.
Baıqal BAIÁDIL,
«Egemen Qazaqstan»
Aqmola oblysy
