Sondaı-aq, Elbasy bastamalarynyń oryndalý barysy, aýyl sharýashylyǵy, kásipkerlikti damytý, shaǵyn nesıeleý, mektepterdiń oqý jylyna daıyndyǵy barysynan habardar boldy.
Depýtattar áýeli Jambyl aýdany Kólqaınar aýyldyq okrýgindegi «Damý» kásiporynyna at basyn burdy. Elimizdiń ındýstrıaldy-ınnovasııalyq damý baǵdarlamasy aıasynda qolǵa alynǵan qus fabrıkasy halyqqa taza ári sapaly ónim usynyp otyr.
Osy kúni «Nurly jer» baǵdarlamasy boıynsha salynyp jatqan kóppáterli turǵyn úıdiń qurylys jumystarymen tanysty. Májilis depýtaty Baqytgúl Hamenova «7-20-25» baǵdarlamasyna keńinen toqtala kelip:
«Elbasynyń bes áleýmettik bastamasy aıasynda qurylǵan «7-20-25» baǵdarlamasy ár otbasyna zor múmkindik beredi. Baspanaly bolý úshin alǵashqy jarnanyń kólemi de 20 paıyzǵa deıin tómendetilgen. Bul turǵyndar úshin úlken jeńildik. Jergilikti ákimdikke, jaýapty memlekettik organdarǵa osy baǵdarlamanyń artyqshylyqtary jaıly halyqty keńinen aqparattandyrý jumystaryn jandandyrý qajet», - dep atap ótti.
Odan ári halyq qalaýlylary aýdandyq «Rýhanı jańǵyrý» jobalyq ofısiniń jumysymen jáne aýdan ortalyǵyndaǵy B.Momyshuly atyndaǵy orta mekteptiń oqý jylyna daıyndyǵymen tanysty.
Sonymen qatar, depýtattar Ortalyq emhananyń qyzmetkerlerimen kezdesip, naýqastarmen tildesip, ózderiniń jumys sapary aıasyndaǵy maqsat-mindetterin túsindirdi.
