Qazaqstan Respýblıkasy Prezıdenti Keńsesiniń Bastyǵy M.B.Qasymbekov Arhıv ujymyna jańadan taǵaıyndalǵan dırektordy tanystyryp, jumysyna zor jetistikter men tabystar tiledi.
J.Iý.Ábdiqadyrova Prezıdent arhıvinde 15 jyldan astam ýaqyt eńbek etip, qatardaǵy mamannan dırektordyń orynbasaryna deıingi barlyq qyzmet satysynan ótti.
Sondaı-aq, M.B.Qasymbekov Qazaqstan Respýblıkasy Prezıdenti Ákimshiliginiń basshylyǵy atynan Arhıvtiń burynǵy dırektory Borıs Álıkenuly Japarovqa minsiz qyzmeti jáne qyzmettik mindetterin úlgili oryndaǵany úshin alǵys bildirip, oǵan vedomstvolyq marapat – «Minsiz qyzmeti úshin» tósbelgisin tabys etti.
