Kezdesý barysynda ekonomıka, saýda-sattyq jáne ınvestısııalar, dostyq qarym-qatynasty nyǵaıtý salalaryndaǵy ekijaqty yntymaqtastyqtyń ózekti máseleleri talqylandy. Sondaı-aq, elshi Dj. Kroldyń Qazaqstandaǵy dıplomatııalyq mıssııasynyń qorytyndysy shyǵaryldy.
«Memleket basshysy N. Nazarbaevtyń Vashıngtonǵa jumys saparynan keıin baılanys odan ári nyǵaıa tústi. Jalpy alǵanda, atqarylǵan jumystar arqasynda bizdiń ózara qarym-qatynasymyzdyń ekonomıkalyq quraýshysy burynǵydan joǵary deńgeıge jetti», — dedi Premer-Mınıstr Baqytjan Saǵyntaev.
Búgingi tańda Qazaqstan men AQSh arasyndaǵy ekijaqty qatynastar keńeıtilgen strategııalyq áriptestik deńgeıine shyqty. QR Premer-Mınıstri B. Saǵyntaevtyń ótken jyly sáýir aıynda Kalıfornııa men Nıý-Iorkke jasaǵan jumys saparynyńqorytyndysy boıynsha San-Fransıskoda Bas konsýldyq ashyldy. Onda sıfrlandyrý baǵyty boıynsha «Zerde», «Astana hab» kompanııalarynyń, «Alataý» tehnoparkiniń birikken ókildikteri jumys isteıdi. Bas konsýldyq jumysy aıasynda Qazaqstannyń AQSh-tyń ońtústik-batysymen, sonyń ishinde Kremnıı alqabynda ornalasqan jetekshi amerıkalyq kompanııalarmen yntymaqtastyǵy damýda.
Budan ózge, kezdesý barysynda eki el arasyndaǵy iskerlik qarym-qatynasty odan ári damytý jónindegi jumys josparlary talqylandy.
О́z kezeginde, Dj. Krol Qazaqstan Prezıdenti N. Nazarbaevtyń barlyq memlekettermen dostyq ózara qarym-qatynasty damytý men nyǵaıtý jolyndaǵy strategııasy men erekshe rólin atap ótti.
«Qazaqstannyń BUU Qaýipsizdik keńesindegi róli eleýli áserge ıe. Qazaqstan – 26 jyl buryn Keńes Odaǵynyń quramynda bolǵan el, al búginde aımaqtaǵy jáne jalpy álemdegi kósh bastaýshy elderdiń biri. Qazaqstan Prezıdentiniń saıasaty qarym-qatynasty turaqtandyrý úshin kórshi memleketterge óte mańyzdy», — dedi QR-daǵy AQSh elshisi.
Dj. Krol Qazaqstan Respýblıkasyndaǵy Amerıka Qurama Shtattarynyń elshisi retinde 2015 jylǵy 8 qańtardan bastap jumys isteıdi.
