Jeti júz adamǵa – azamattyq

Astanada Memlekettik hatshy Qanat Saýdabaevtyń tóraǵalyq etýimen Qazaqstan Respýblıkasy Prezıdentiniń janyndaǵy Azamattyq máseleler jónindegi komıssııanyń májilisi men Memlekettik rámizder jónindegi respýblıkalyq komıssııanyń otyrysy ótti. Májiliste Qazaqstannyń aza­mat­tyǵyn qabyldaǵysy kelgen sheteldik azamattardyń ótinishteri qa­raldy. Kezdesýde Q.Saýdabaev Qa­zaq­stannyń azamaty bolýǵa ártúrli elderden san alýan adamdardyń kelýi Táýelsizdiktiń 20 jylynda Tuń­ǵysh Prezıdenttiń basshyly­ǵy­men elimizdiń áleýmettik-ekono­mı­kalyq jáne qoǵamdyq-saıası jetistikterge jetkenimizdiń taǵy bir aı­qyn dáleli ekenin atap ótti. «Son­dyqtan biz ózimizdiń qatarymyzǵa táýelsiz Qazaqstannyń jańa aza­mattaryn qarsy alýǵa qýanysh­ty­myz jáne jańadan tapqan Ota­nyn­da olarǵa densaýlyq, amandyq jáne jemisti tabys tileımiz», – dedi ol. Osy rette Memlekettik hat­shy jaýapty memlekettik organ­dar­dyń endigi mindeti Qazaqstan aza­mat­tyǵyn alǵan adamdardyń qo­ǵam­ǵa tezirek beıimdelýin qamta­ma­syz etý máselelerin jyldam jáne jaýapkershilikpen sheshý ekendigin eskertti. Májiliste Q.Saýdabaev Elbasy tıisti Jarlyqqa qol qoıǵannan keıin TMD elderi men alys shet elderden kelgen 700-den astam adam Qazaqstan Respýblıkasynyń aza­mattary bolatynyn málimdedi. Ekinshi otyrysta komıssııa tór­aǵasy Qazaqstan Respýblıkasynyń Memlekettik rámizderi qazaq hal­qy­nyń erkindik pen táýelsizdik tý­raly ǵasyrlar boıy ańsaǵan armanyn jetkizetindigin atap ótti. – Memlekettik Tý, Eltańba, Án­uran – kez kelgen egemen eldiń mindetti atrıbýttary bolyp taby­la­dy. Sondyqtan da qazaqstandyq jas urpaqty tárbıeleý men pat­rıottyq sezimdi qalyptastyrýda elimizdiń Memlekettik rámizderine erekshe kóńil bólinedi. Bizdiń Prezıdentimiz Nursultan Nazarbaev atap ótkenindeı, Memlekettik rá­miz­der – bizdiń elimizdiń, táýelsiz­di­gimizdiń ajyramas bir bóligi. Olar táýelsizdiktiń qasıetti biriktirýshi beınesin beıneleıdi. Sol úshin de olarǵa kózqarasymyz, memlekettik organdardyń, memlekettik rámizderdi nasıhattaý jónindegi jumystarynyń tıimdiligi qazaq­standyqtardyń jalpy patrıottyq deńgeıin anyqtaıdy, – dedi Memlekettik hatshy. Otyrys barysynda Baılanys jáne aqparat, Kólik jáne kommýnıkasııalar mınıstrleriniń memlekettik rámizderdi paıdalaný jáne nasıhattaý jónindegi jumystary týraly esepteri tyńdaldy. So­ńyn­da «Memlekettik rámizder týraly» Qazaqstan Respýblıkasynyń Kons­tı­týsııalyq zańynyń buljytpaı saqtalýy jóninde usynystar men naqty tapsyrmalar berildi. Dastan KENJALIN.