О́ńirdiń jylytý maýsymyna daıyndyǵyn oblys basshysy Altaı Kólginov jeke baqylaýyna alǵan. Búgingi jaǵdaı boıynsha 2018-2019 jylǵy jylytý maýsymyna 388 densaýlyq saqtaý nysanynyń 367-si, 638 bilim berý nysanynyń 601-i, 387 mádenı ǵımarattyń 373-i tolyq daıyn bolypty. Oral qalasyndaǵy kóp qabatty turǵyn úılerdiń 50 prosentten astamy gıdravlıkalyq synaqtan oıdaǵydaı ótken. Bul olardyń jańa maýsymǵa tolyq daıyn ekendigin kórsetedi. Jaqyn kúnderi jylý qubyrlaryn qysymmen synaý Aqsaı qalasynda da júrgizilmek.
– Oblys boıynsha 40 shaqyrymdyq jylý jelilerin jóndep jańǵyrtý josparlanǵan edi. Onyń 11,5 shaqyrymy Oral qalasyna, 28,8 shaqyrymy Aqsaı qalasyna tıesili. Sonyń ishinde «Nurly jol» baǵdarlamasy boıynsha jalpy kólemi 32 shaqyrymnan astam jelini qaıta jańǵyrtyp jatyrmyz. Bul úshin 2 mlrd teńgedeı qarjy kózdelgen. Búgingi tańda osy baǵdarlama aıasynda Oral qalasynda 2 shaqyrym, Aqsaıda 15,8 shaqyrym jylý qubyrlary jelisi jańǵyrtyldy. Osynaý keshendi jumystardyń nátıjesinde oblys ortalyǵyndaǵy jylý jelileriniń tozýy 51,6%-ke azaıdy. Al Aqsaı qalasyndaǵy tozyǵy jetken jeliler 43%-ten 7%-ke bir-aq azaıdy, – deıdi Batys Qazaqstan oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Rústem Zákárın.
«Jaıyqjylýqýat» AQ jetekshisi Murat Báımenovtiń aıtýynsha, jergilikti jylý-qýat ortalyǵynyń qazandyqtary men jylý qubyrlarynyń 72 prosentine jóndeý júrgizilip, 6 shaqyrymǵa jýyq jeli jańǵyrtylǵan.
– Qazirgi tańda bizdiń mekeme quzyrynda 20 qazandyq bar, odan shyǵatyn jylý jelileriniń uzyndyǵy – 21,88 shaqyrym. Bul qazandyqtarda 55 qazan bar, onyń 51-i – sýmen, tórteýi – býmen jylytylady. 20 qazandyqtyń 9-y jyl boıy, 11-i maýsymda ǵana jumys isteıdi. Dál qazir 2018-2019 jylǵy jylytý maýsymyna 80% daıynbyz. Iаǵnı 20 qazandyqtyń 16-sy saqadaı saı tur. «Nurly jol» baǵdarlamasy boıynsha jalpy uzyndyǵy 4804 metrlik tórt jylý magıstraly jóndeldi, – deıdi M.Báımenov.
Qysqa daıyndyq sharalaryn der kezinde júrgizý halyqqa kórsetiletin qyzmet sapasyn kóterip, eki jaqqa da tıimdi ete túsedi. О́ıtkeni ashyq-jaryqta jasalǵan sapaly jóndeý jumystary jylý jelilerinde sýdy rásýa qylmaı, jylý shyǵynyn azaıtady, qosymsha qondyrǵylardyń tıimdiligi artady. Sóıtip halyqty jylýmen qamtý sapasyn kóteredi.
«Nurly jol» baǵdarlamasy aıasynda Oral qalasynda jalpy quny 1 mlrd teńge bólinip, 10 shaqyrym sý qubyrlary jańǵyrtyla bastady. Dál qazir 1,5 shaqyrymdyq jeli jóndelip úlgerdi.
Joǵaryda aıtylǵandarǵa sáıkes, óńirde elektr jelilerin jóndeý isi de qyzý júrýde. «Batys Qazaqstan REK» AQ aldaǵy qysqy maýsymǵa daıyndyq úshin 242,5 mln teńge kóleminde qarjy bólip, 3 myń shaqyrymdyq elektr júıesin tekserip shyqty. Dál qazir 19 elektrlik jáne 310 transformatorlyq stansalarda jóndeý jumysy júrgizilýde. 80%-ten artyq jumys oryndaldy.
«QazTransGazAımaq» AQ-tyń Batys Qazaqstan oblystyq fılıaly da 7 myń shaqyrymnan astam gaz taratý jelilerin synaqtan ótkizdi. Qaharly qysta Aq Jaıyq turǵyndarynyń sýyqty sezinbeı, uıadaı jyly jerde ótkizý máselesin oblys basshylyǵy qatań qadaǵalap otyr.
Qazbek QUTTYMURATULY,
«Egemen Qazaqstan»
Batys Qazaqstan oblysy
