«Joǵary oqý oryndarynyń derbestigi – bilim berý júıesinde jasalǵan mańyzdy qadamdardyń biri. Halyqaralyq tájirıbege súıensek, bul jańalyq óz kezeginde amerıkalyq Barqyt lıgasy men brıtandyq Rassel Grýpptyń qurylýyna negiz bolǵan. Atalǵan uıymdar bilim sapasyn joǵarylatýdaǵy lokomotıv ispettes bolsa, uıym quramyna kirgen JOO-lar álemdegi úzdikter qatarynan tabyldy. Osy elderdiń tájirıbesi negizinde Ýnıversıtetter assosıasııasyn qurý Elbasy jarııalaǵan áleýmettik bastamalardyń qajetti qadamy bolatynyn kórsetip otyr. Onyń maqsaty – bilim berý sapasyn arttyrý úshin elimizdiń jetekshi joǵary oqý oryndarynyń kúsh-jigerin biriktirý. Ýnıversıtetterdiń assosıasııasy akademııalyq adaldyq lıgasy dep atalady. Bul QazGZÝ ótkizetin dástúrli halyqaralyq akademııalyq Adaldyq forýmynyń jalǵasy deýge bolady. Lıga múshelerine qatysty joǵary ákimshilik organ bolmaıdy jáne bulardyń ekonomıkalyq qyzmetine kedergi keltire almaıdy. Lıganyń qyzmeti joǵary bilim berý sapasyn qamtamasyz etý máseleleri boıynsha elimizdegi normatıvtik-quqyqtyq aktilerin ázirleýge jáne jetildirýge qatysý, joǵary jáne joǵary oqý ornynan keıingi bilim berý mekemelerinde akademııalyq tutastyq prınsıpterin nasıhattaý, sondaı-aq Qazaqstandaǵy bilim berý sapasyn arttyrýǵa baǵyttalǵan kez kelgen jobalardy júzege asyrý», dedi ol.
T.Nárikbaev sondaı-aq lıga músheleri «Turnitin» sııaqty plagıatqa qarsy halyqaralyq júıelerdi qoldanýǵa jáne osy júıedegi stýdentter men oqytýshylardyń barlyq jazbasha jumystaryn mindetti túrde tekserýge tıis ekenin atap ótti.
«Bul QazGZÝ-diń Nazarbaev ýnıversıtetimen birlese ótkizetin xalyqaralyq forýmnyń jalǵasy ispettes. Qarjylyq emes uıym bolyp qurylatyn lıga músheleri plagıatqa qarsy xalyqaralyq júıelerdi paıdalanyp, Turniti júıesinde oqytýshylar men stýdentterdiń barlyq jazbasha jumystaryn tekseretin bolady. Lıgaǵa JOO-nyń múshelik etýi oqý ornynyń bedelin bıiktetip, túlekterdiń básekege qabilettiligin, bilim sapasyn arttyra túsedi dep josparlanýda. Akademııalyq adaldyqtyń birkelki qaǵıdalaryna sapany qamtamasyz etý júıesin, jyl saıynǵy tóraǵalyq almasýyn, monıtorıng jasaıtyn komıtetterdiń qurylýyn qamtamasyz etý qyzmetteri kiredi. Bul lıga atalǵan ustanymdardy júzege asyrý arqyly bilim sapasyn arttyrý úshin quryldy», dedi QazGZÝ rektory.
Aıta ketetin taǵy bir jaıt, lıga tóraǵasy jalpy jınalysta saılanady. Ol barlyq jınalysta tóraǵalyq etip, kezekti jáne kezekten tys otyrystarǵa shaqyrady, lıgaǵa kirý týraly ótinimderdi qabyldap, lıganyń atynan áreket ete alady. Al lıganyń joǵarǵy organy akademııalyq adaldyqtyń qaǵıdalaryn qabyldaıdy, lıgaǵa kirýge talap etýshilerdi qabyldaý týraly sheshim shyǵarady, monıtorıng komıtetterin qurady, akademııalyq adaldyqtyń úzdik tájirıbeleri men tásilderine negizdele otyryp nusqaýlardy taldap engizedi.
Raýan QAIDAR,
«Egemen Qazaqstan»
