Atalǵan shara barysynda QMDB-nyń musylmandary dinı basqarmasynyń oblystaǵy ókili, ortalyq «Hıbatýlla Tarazı» meshitiniń bas ımamy Danııar Jumabaev adamzat balasy úshin qaıyrymdylyqtyń mańyzy zor ekenin, asyl dinimiz ıslam da qaıyrymdylyqty ýaǵyzdaıtynyn, sonymen qatar musylman balasy úshin bilim alýdyń asa mańyzdy ekenin aıtyp ótti. О́z sózinde oblystyq din isteri basqarmasynyń bólim basshysy Erkebulan Esmahanov, «Keńeshan qajy» meshitiniń bas ımamy Qanat Jumaǵulov mundaı ıgilikti istiń saýaby mol ekenine toqtalyp, demeýshilik jasaǵan azamattarǵa alǵys bildirdi.
«Keńeshan qajy» meshitinde ótken aksııa aıasynda oblys aýdandarynan 470 oqýshyǵa jáne Taraz qalasynan 110 balaǵa jańa sómkeler men mektepke qajetti barlyq qural-jabdyqtar tegin taratyldy. Atalǵan aksııaǵa áleýmettik jaǵdaıy tómen otbasylar qatysty. Ata-analar atynan sóz alǵan Qaldykúl Tórequlova kelini qaıtys bolyp, nemeresiniń jetim qalǵanyn aıta kelip, balalarǵa jasaǵan qamqorlyqtary úshin uıymdastyrýshylarǵa alǵys bildirdi. Sondaı-aq taǵdyrdyń túrli teperishine tap bolǵan otbasy músheleri de sóz alyp, osynaý is-sharanyń ıgilikti ekenin jetkizdi. Balalardyń barlyǵy da jańa oqý jyly qarsańynda syılyqtar alyp, ózara qýanyp jatty. Baldyrǵandardyń janaryndaǵy móldir qýanysh, rııasyz shattyq qaıyrymdy azamattarǵa aq nıetti alǵys jaýdyryp turǵandaı edi.
Hamıt ESAMAN,
«Egemen Qazaqstan»
Jambyl oblysy
