Kezdesý negizinen quqyq qorǵaý salasyna qatysty bolǵandyqtan, eń basty talap qoǵamdyq tártip ekeni basa aıtyldy. Jıyn barysynda halyq qalaýlylary departament qyzmetkerleri tarapynan qoldanystaǵy zańǵa qatysty aıtylǵan usynystardy tyńdady.
Jambyl óńirine sapary barysynda senatorlar Taraz qalasyndaǵy quqyq qorǵaý qyzmeti ortalyǵynyń jumysyn kórdi.
– Qazir Senat depýtattary barlyq óńirde júr. Olar oblystarda estigen, kórgen máselelerin ári qaraı depýtattyq saýaldar arqyly nemese dóńgelek ústelderde, úlken jınalystarda kóterip, zańnamany ýaqyt talabyna sáıkestendirýge atsalysady. Qyrkúıek aıynyń basynda Parlament kezekti sessııasyn jalǵastyrady. Sonda osy aıtylǵan máselelerdiń barlyǵy ortaǵa salynatyn bolady, – degen Bektas Beknazarov birqatar máselege toqtaldy. Sonymen qatar Senat Tóraǵasynyń orynbasary Jambyl oblysy halqynyń jartysynan kóbine áli kógildir otyn jetpegenin, osy gaz máselesi 2022 jylǵa deıin sheshilýi kerektigin aıtty.
Senatorlardyń Jambyl óńirindegi jumys sapary Taraz qalasynyń kásipkerlerge qyzmet kórsetý ortalyǵynyń jumysymen tanysýmen jalǵasty. Budan keıin halyq qalaýlylary Baızaq aýdany, Býryl aýyldyq okrýgindegi «Iаshar» sharýa qojalyǵynyń egin alqaptarynyń jumysymen, Kóktal aýylyndaǵy «Dýlat» sharýa qojalyǵynyń jumysymen jáne osy aýdandaǵy birqatar nysannyń qyzmetimen tanysty.
Senat Tóraǵasynyń orynbasary Bektas Beknazarov pen Senat depýtaty Abdaly Nuralıev Jambyl oblysyna jumys sapary barysynda oblys ákimi Asqar Myrzahmetovpen kezdesti. Shaǵyn quramdaǵy basqosýda birqatar ózekti másele aıtylyp, sheshý joldary qarastyryldy. Bektas Beknazarov búginde Jambyl óńirinde aıtarlyqtaı jumys atqarylyp jatqanyna toqtaldy. Bul turǵyda Asqar Myrzahmetov senatorlarǵa oblys úshin mańyzdy máselelerdi aıtty. Jıyn sońynda ótken alty aıda Jambyl oblysynda aýyl sharýashylyǵy, ónerkásip pen kásipkerlik salasyn damytýdyń jol kartasy ázirlengendigi, máseleni sheshý úshin onyń arnaıy tetigi qarastyrylǵandyǵy jóninde aıtyldy. Budan keıin senatorlardyń Jambyl oblysyna jumys sapary Jambyl jáne Jýaly aýdandarynda jalǵasyn tapty. Senatorlar aýdandardaǵy birqatar áleýmettik-kásipkerlik nysannyń jumystarymen tanysty.
Hamıt Esaman,
«Egemen Qazaqstan»
Jambyl oblysy
