«Taǵylymdamadan ótýshiler básekege qabiletti bolýy úshin biz dárister barysynda sońǵy úrdisterdi kórsetýge tyrysamyz. Derekterdi taldaý boıynsha dáris júrgizip, úlken kólemdegi aqparattardy taldaý úshin «Microsoft» eń ozyq tehnologııalaryn qalaı paınalanatynyn kórsetemiz. Shyn máninde, bul óte ózekti másele, sebebi tyńdaýshylardyń dáristen alǵan bilimderi bolashaqta mindetti túrde paıdaǵa jaraıdy. Muny ýnıversıtette oqytpaǵandyqtan, biz olarǵa naqty bilim berýge tyrysamyz», - dep atap ótti Sanjar Myrzaǵalym.
Sonymen qatar, «Microsoft» kompanııasy mamanynyń aıtýy boıynsha, aqparattyq tehnologııalar salasyndaǵy bilim tez arada eskiredi jáne mamandardyń sol bilimdi árdaıym jańartyp otyrýy kerektigin tilge tıek etti. Mysaly, biraz ýnıversıtetterdiń ózinde qazir birneshe jyl buryn bekitilgen baǵdarlama boıynsha bilim beriledi, bul aqparattyq tehnologııalar salasynda árdaıym qoldanylmaýy múmkin. Sanjar Myrzaǵalymnyń aıtýy boıynsha, baǵdarlama jyl saıyn ózgerýi tıis, sebebi jańa tehnologııalar naryǵy jańartylyp otyrady.
Esterińizge sala keteıik, 2018 jyldyń 6 maýsymynda «Samuryq-Qazyna» UÁQ» AQ men Qorjyndyq kompanııalarynda «Sıfrlyq jaz 2018» taǵylymdama baǵdarlamasy bastaldy. Osy baǵdarlamanyń biregeı erekshelikteriniń biri – taǵylymdamadan ótýshi jastar básekelestigi joǵary IT salasynda qundy tájirıbe men bilim alady, SAP, Microsoft, Oracle, Cisco, HP, IBM, Huawei kompanııalarynyń ónimderimen jumystaryn shyńdaı alady.
Joǵarǵy oqý oryndaryn 2016, 2017 jáne 2018 jyldary bitirgen stýdentter «Sıfrlyq jaz – 2018» baǵdarlamasyna «Samuryq-Qazyna» UÁQ» AQ resmı www.sk.kz saıtyna kirip, ótinim qaldyrdy. Aqparattyq tehnologııalarǵa degen qyzyǵýshylyq jáne Qor kompanııalarynda aqparattyq tehnologııalarynyń damýyna úles qosý baǵdarlamanyń negizgi talaby bolyp sanalady.
Baǵdarlama qorytyndysy boıynsha úzdik tanylǵan jas mamandar kelesi kompanııalar tobynda jumysqa ornalasý múmkindigine ıe bolmaq: «QazMunaıGaz» UK» AQ, «Qazatomónerkásip» UAK» AQ, «Qazaqstan temir joly» UK» AQ, «Qazposhta» AQ, «Samuryq-Energo» AQ, «Qazaqtelekom» AQ, «Taý-Ken Samuryq» AQ, «KOREM» AQ, «Qazaq Air» AQ, «Energoınform» AQ, «Samuryq-Qazyna Kontrakt» JShS jáne «Birikken hımııalyq kompanııa» JShS.
