«Jyl sanap azamattar arasynda onlaın qyzmetti nasıhattaýǵa kúsh salýdamyz. Ortalyqqa kelmeı-aq úıde, jumysta otyryp qajetti qujattaryn alyp nemese basqa da qyzmetterdi paıdalanýǵa úndeýdemiz. Bul halyqtyń uzyn-sonar kezekte turmaýy úshin jasalynyp jatqan múmkindik. Búginde barlyq sany 746 qyzmettiń 60% elektrondy túrde qol jetimdi, jyl sońyna deıin 70 paıyz ósirý múmkindigi bar, al 2022 jyly 90 paıyz onlaın qyzmetke kóshý maqsaty tur, dedi Murat Jumanbaı.
Departament basshysy qalǵan 10%- ǵa qatysty qyzmetke de túsinikteme berdi.
«Azamattarǵa arnalǵan úkimettiń adamnyń qatysýynsyz júzege asyrylmaıtyn, belgili qyzmet túrleri bar, ol negizinen shetelge shyǵý kezinde ıaǵnı SIM-ne qatysty qujattardy retteýmen baılanysty», dedi ol.
Departament qyzmetin onlaın júıege aýystyrý halyq úshin tıimdi bolmaq. Turǵyndar qajet qujatty kezeksiz alý múmkindigine ıe bolady.
«Qazirgi tańda turǵylyqty mekenjaı anyqtamasy, azamattardyń sottalmaǵany týraly jáne jyljymaıtyn múlik týraly anyqtama alý sııaqty úsh qyzmet onlaın júıede kósh bastap tur dedi, M.Jumanbaı.
