Oblystyń kardıologııalyq ortalyqtyń qabyrǵasynda búgin ótkizilgen sheberlik synybynyń maqsaty – emdelýshiler úshin zamanaýı tehnologııalardy qamtamasyz etý. Dárigerler úırengen sheberlikteriniń arqasynda endi kún saıyn Oblystyq kardıologııalyq ortalyqtyń emdelýshilerine osyndaı operasııalar jasaı alatyn bolady.
Júrekke jasalatyn bul operasııa keýde qýysyn esh kespeı júrgiziletinin aıta ketý kerek. Júrekshe arasyndaǵy qalqan jetispeýshiligin endovaskýlıarly jabý ádisi qazirgi ashyq operasııa jasaǵan kezdegi júrek jetispeýshiligin tigý ádisiniń balamasy bolyp tabylady jáne júrek jumysyn jyldam qalpyna keltirýge septigin tıgizedi. Emdelýshiler tez saýyǵady.
Deni saý eresek adamda oń jáne sol jaq júreksheniń arasynda tesik bolmaıdy. Biraq ol ýaqytyly ósip ketpeı, saldarynan júrek jetispeýshiligi týyndaıtyn jaǵdaılar bolady – soldan ońǵa qaraı tuıyqtalyp, bul oń jaq júrekshege jáne júrek qarynshasyna tym artyq salmaqtyń túsýine ákeledi. Mundaı júrek keseli ár túrli jastaǵy adamdarda kezdesedi jáne ol týa bitedi. Júrek jetispeýshiligi sábı kezinde baıqalyp, kóbine jıyrma jastan asqan adamdarda anyqtalady. Mundaı emdelýshilerde júrek kemistigi ókpe gıpertenzııasyn, júrek jetispeýshiligin jáne arıtmııa aýrýlaryn týdyrady.
Okklıýder paıda bolǵanǵa deıin júrekshe arasyndaǵy qalqannyń jetispeýshiligi bar emdelýshilerge operasııa jasandy qan aınalymy júıesin paıdalanýmen, ashyq júrekke jasalatyn. Mundaı emdelýshiler uzaq ýaqyttan soń ǵana birjola aıyǵyp, kóbine otadan keıingi asqynýlardan zardap shegetin. Okklıýder ımplantasııasy – bul zamanaýı emdeý ádisi, ol ınvazııalyǵynyń tómendigimen, adam densaýlyǵynyń jyldam qalpyna kelýimen, asqynaýlardyń az bolýymen erekshelenedi. Sonymen qatar atalǵan emdeý ádisi júktiliktiń tipti sońǵy aptalarynda da qoldanyla alady.
Júrek jetispeýshiligin joıý úshin zamanaýı materıaldan – nıtınoldan, nıkel men tıtan qorytpasynan jasalatyn okklıýder atty qurylǵy paıdalanylady. Qurylǵy arnaıy engizý júıesi arqyly júrekke kirgizilip, óziniń pishiminiń arqasynda júrek jetispeýshiliginiń tusyna ornyǵady. Em-sharany baqylaý jáne okklıýderdi durys ornatý úshin dárigerler Angıograf jáne óńesh arqyly ÝDZ paıdalanady.
Okklıýderlerdi ornatý boıynsha óziniń kópjyldyq tájirıbesimen búgin arnaıy shaqyrylǵan rentgenohırýrg A.Ońlasynov bólisti. Operasııany jasaý úshin dárigerler adamnyń bir sanyn sál kesip, qan tamyry arqyly kateter engizdi, ol okklıýderdi qajetti aǵzaǵa jetkizdi.
