Otyrysty ashqan G.Ábdiqalyqova Memleket basshysy Nursultan Nazarbaevtyń: «Kún sanap ózgerip jatqan dúbirli dúnıede sana-sezimimiz ben dúnıetanymymyzǵa ábden sińip qalǵan taptaýryn qaǵıdalardan arylmasaq, kósh basyndaǵy eldermen terezemizdi teńep, ıyq túıistirý múmkin emes. О́zgerý úshin ózimizdi myqtap qolǵa alyp, zaman aǵymyna ıkemdelý arqyly jańa dáýirdiń jaǵymdy jaqtaryn boıǵa sińirýimiz kerek», degen sózine basa nazar aýdardy.
Memlekettik hatshy «Rýhanı jańǵyrý» baǵdarlamasy, «Prezıdenttiń bes áleýmettik bastamasy» qoǵamdyq sanany jańǵyrtýǵa jáne ómir súrý sapasyn arttyrýǵa baǵyttalǵanyn atap ótti. Bul turǵyda óskeleń urpaqtyń rýhanı-adamgershilik qasıetterin damytý jáne olardyń quqyqtary men zańdy múddelerin qamtamasyz etý, sonymen qatar azamattardyń reprodýktıvti densaýlyǵyn qorǵaý máseleleri erekshe mánge ıe bolyp otyr.
Bilim jáne ǵylym mınıstrliginiń aqparatyna sáıkes, Qazaqstanda balalardyń quqyqtary men zańdy múddelerin qamtamasyz etý úshin ınstıtýsıonaldyq negiz qalyptastyrylǵan. 15 halyqaralyq qujat ratıfıkasııalandy, Bala quqyqtary jónindegi ýákil ınstıtýty, Balalardyń quqyqtaryn qorǵaý komıteti, ómirlik qıyn jaǵdaıdaǵy balalarǵa qoldaý kórsetý ortalyqtary jumys isteýde.
Pılottyq joba retinde 71 bilim berý uıymynda «О́zin-ózi taný» rýhanı-adamgershilik bilim berý baǵdarlamasynyń ıntegrasııalaý modeli júzege asyrylýda. Bas prokýratýramen birlese otyryp, kámeletke tolmaǵandar arasyndaǵy zorlyq-zombylyqtyń aldyn alýǵa baǵyttalǵan «Balalardy birge qorǵaımyz» atty jol kartasy iske asýda. Búginde mektepterde 8362 psıholog, 4268 áleýmettik pedagog, 2177 polısııa ınspektory jumys isteıdi.
Densaýlyq saqtaý mınıstrliginiń aqparatyna sáıkes, Qazaqstannyń 2030 jylǵa deıingi otbasylyq jáne genderlik saıasaty tujyrymdamasyn iske asyrý maqsatymen azamattardyń reprodýktıvti densaýlyǵyn nyǵaıtý jáne ana men bala densaýlyǵyn qorǵaý jóninde júıeli sharalar qabyldanýda. Nátıjesinde, 2017 jyly ana óliminiń deńgeıi 1,5 paıyzǵa, balalar ólimi 7 paıyzǵa tómendedi. О́ńirlerde 60 úkimettik emes uıymnyń qatysýymen otbasyn josparlaý, ana men bala densaýlyǵyn qorǵaý boıynsha 112 áleýmettik joba iske asyryldy. 5 jasqa deıingi balalarǵa patronajdyq profılaktıkalyq baqylaý júrgizilip, 600-den astam balalar densaýlyǵy bólmeleri uıymdastyryldy. Jastar densaýlyǵynyń 81 ortalyǵynda 125 myńnan asa adamǵa reprodýktıvtik densaýlyqty saqtaý máseleleri boıynsha konsýltasııalyq, zań jáne medısınalyq-psıhologııalyq kómek kórsetildi.
Otyrys sońynda Qazaqstan Respýblıkasynyń Memlekettik hatshysy Gúlshara Ábdiqalyqova memlekettik organdarǵa birqatar naqty tapsyrma berdi.
