Aımaqtar • 25 Tamyz, 2018

Máýlen Áshimbaev arnaıy saparmen Shyǵys Qazaqstan oblysyna keldi

274 retkórsetildi

«Nur Otan» partııasy Tóraǵasynyń Birinshi orynbasary Máýlen Áshimbaev arnaıy saparmen Shyǵys Qazaqstan oblysyna keldi. Sapar barysynda ol Prezıdenttiń bes áleýmettik bastamasynyń jáne jańa partııalyq jobalardyń júzege asyrylý barysyna baqylaý júrgizip, atqarylǵan jumys barysymen tanysty.

Sondaı-aq Máýlen Áshimbaev shyǵysqazaqstandyq ustazdar qaýymymen, «7-20-25» baǵdarlamasynyń qatysýshylarymen jáne memleketten shaǵyn nesıe alyp, kásibin dóńgeletip otyrǵan jergilikti kásipkerlermen kezdesti.

Mektep muǵalimderiniń dástúrli tamyz máslıhatyna qatysqan Partııa Tóraǵasynyń Birinshi orynbasary ustazdar aldynda sóz sóılep, «Nur Otannyń» partııalyq jańǵyrý aıasynda bilim berý isine qatysty birqatar tyń bastamalardy qolǵa alǵanyn aıtty. Sonyń ishinde mektep oqýshylarynyń jańa aqparattyq tehnologııalardy meńgerip, bilimin jetildirý úshin partııa tegin IT-synyptar jobasyn júzege asyryp jatqanyna erekshe toqtalyp ótti. Odan bólek, partııalyq jobalardyń qatarynda jastardyń durys tamaqtanýyna jáne salamatty ómir saltyn ustanýyna baǵyttalǵan mektep ashanalary men sport alańdaryn jańǵyrtý isi de bar. Jas býynnyń bilimge degen kushtarlyǵyn qalyptastyrýdy da nazardan tys qaldyrmaǵan elimizdiń jetekshi saıası kúshi osy baǵytta da arnaıy jobany qolǵa alyp otyr.

– Partııa Elbasynyń tapsyrmasyna sáıkes óz qyzmetin jańǵyrtý jumystaryn qarqyndy júrgizýde. Osy baǵytta bilimdi urpaq tárbıeleý isine de qatysty kóptegen jobalardy qolǵa aldyq. Sonyń ishinde mektep oqýshylaryna bolashaqtyń mamandyqtaryn oqytý maqsatynda IT-synyptar ashý isin júrgizip jatyrmyz. Odan bólek, jastarymyzdyń durys tamaqtanyp, salamatty ómir saltyn ustanýyn da partııa basty nazarda ustap otyr. Osyndaı ıgi isterdi tabysty júzege asyrýda ustazdar qaýymynyń da róli erekshe ekeni sózsiz, – dedi Máýlen Áshimbaev.

Partııanyń qoldaýymen jańa oqý jylynda oblys mektepterinde 277 IT-synyp ashylady dep josparlanyp otyr. Onda oqýshylar veb-dızaın, robot tehnıkasy, mehatronıka, baǵdarlamalaý negizderi jáne 3D modeldeý boıynsha tereńdetilgen bilim almaq. Máýlen Áshimbaev О́skemen qalasyndaǵy №46 mektepte ashylǵan osyndaı synyptyń birine arnaıy bardy. Jalpy aldaǵy úsh jylda elimiz boıynsha partııanyń bastamasymen 1000-nan astam tegin IT-synyp ashylyp, onda jylyna 150 myń jas qazaqstandyq sıfrlyq baǵytta bilimderin jetildiretin bolady.

Mektep oqýshylarynan bólek, eresek azamattarǵa da sıfrlyq saýattylyqtaryn arttyrýǵa múmkindik qarastyrylǵan. Osy maqsatta «Nur Otan» partııasy IT-ortalyqtar ashyp, qazaqstandyqtardy oqytý jumystaryn bastap ketti. Bul ıgi is te jańa partııalyq jobalar aıasynda júzege asyrylyp jatyr. О́skemen polıtehnıkalyq kolledjinde ashylǵan osyndaı IT-ortalyqqa arnaıy barǵan Máýlen Áshimbaev ondaǵy oqytý tehnologııasyn baqylap qaıtty. Atalǵan ortalyqta jergilikti jumyssyz azamattar baǵdarlamalaý negizderin meńgerip, ınjenerlik grafıka, vıdeo montajdaý, derbes kompıýterlerdi dıagnostıkadan ótkizip, jóndeý jáne robot tehnıkalarymen jumys isteýge mashyqtanyp, bilim alýda. Bul IT-ortalyq óz túlekterin jumyspen qamtý úshin jergilikti jumys berýshi kompanııalarmen, kásiporyndarmen jáne atqarýshy organdarmen tyǵyz baılanys ornatqany da kóńil qýantady.

Bul jobalardyń elimizdiń sıfrly ekonomıkasyn damytyp, básekege qabilettilikti arttyrý úshin jasalǵan qadam ekenin aıtqan Máýlen Áshimbaev elimizge aqparattyq tehnologııany erkin meńgergen bilikti mamandar asa qajet ekenin tilge tıek etti.

– «Nur Otan» partııasy osy máselege erekshe kóńil bólip, Úkimetpen, «Atameken» ulttyq kásipkerler palatasymen birlesip birqatar jobalardy júzege asyrýda. Bul bastamalardy partııanyń «Sıfrly Qazaqstan» baǵdarlamasynyń júzege asyrylýyna qosqan naqty úlesi dep aıtýǵa da tolyq negiz bar. Aldaǵy ýaqytta IT-synyptarda bilim alǵan jastardyń túrli olımpıadalar men halyqaralyq jarystarǵa qatysyp, jan-jaqty damýyna jaǵdaı jasalýy tıis. Al IT-ortalyqtar kásibı biliktiligin kúsheıtip, zamanǵa saı mamandyqty meńgergisi kelgen kez kelgen qazaqstandyq úshin berilip otyrǵan úlken múmkindik. Partııa ortalyq túlekterine qoldaý kóretip, olardyń «Astana Hub» arqyly óziniń startaptaryn júzege asyrýyna da kómektesetin bolady,– dedi partııa Tóraǵasynyń Birinshi orynbasary.

Sonymen qatar partııanyń mektep ashanalarynyń jumysyn jańǵyrtý jobasyn júzege asyrý isine de belsene kiriskenin aıta ketken jón. Bul bastama jastardyń durys tamaqtanýyn qalyptastyrýǵa baǵyttalǵan. Osy ıgi isti júzege asyrý úshin qazirdiń ózinde óńirde 10 mektep anyqtalǵan. Onyń 5-eýi Semeı qalasynda ornalassa, qalǵan 5-ýi – О́skemende. Odan bólek, durys tamaqtaný máselesine baılanysty óńirde tamaq kombınatyn ashý jumystary da qarastyrylyp jatyr.

Partııanyń mektep sport alańdaryn zamanǵa saı qaıta jabdyqtaý, aýyl balalaryna aǵylshyn tilin úıretý, dástúrli kitaphanalardy zamanaýı naǵyz bilim ortalyqtaryna aınadyrý jobalary da bilim berý isine tikeleı qatysty bastamalar ekeni sózsiz.

Sapar barysynda Máýlen Áshimbaev Pýshkın atyndaǵy oblystyq kitaphanada ashylǵan kovorkıng ortalyqqa bardy. Munda kelýshilerdiń kitap oqyp qana qoımaı, jaıly demalysy úshin de barlyq jaǵdaı jasalǵan. Sondaı-aq kitaphanada oqyrmandardyń «Elektrondy úkimet» júıesiniń jumysy boıynsha trenıngter men baǵdarlamalaý jáne dızaın negizderi jóninde tegin dáristerge qatysýǵa da múmkindik qarastyrylǵan. Munda balalardyń shyǵarmashylyq qabiletterin shyńdaıtyn túrli úıirmeler, qazaq tiliniń jańa alfavtin oqytý ortalyǵy, pikirtalas klýby jáne shet tilderin oqytatyn kýrstar turaqty jumys isteıdi. Kitaphanada múmkindigi shekteýli jandarǵa da qolaıly jaǵdaı jasalǵanyn erekshe atap ótken jón. Iаǵnı munda kózi nashar kóretin jandarǵa arnalǵan arnaıy oqý zaly men saýsaq býyndaryn damytatyn sheberler mektebi bar. Sýret salý, toqyma sııaqty qolóner túrleri boıynsha da trenıngter men sabaqtar ótkizý isi júıeli jolǵa qoıylǵan.

Elbasy, partııa Tóraǵasynyń barsha nurotandyqtardyń aldyna qoıǵan basty mindetteriniń biri Prezıdenttiń bes áleýmettik bastamasynyń júzege asyrylý barysyna qoǵamdyq baqylaý júrgizý ekeni belgili. Soǵan baılanysty Máýlen Áshimbaev shyǵys óńirge sapary kezinde osy baǵyttaǵy jumystardy da baqylap qaıtty. Atap aıtqanda, ol baspanaly bolý úshin jeńildikpen nesıe alǵan «7-20-25» baǵdarlamasynyń qatysýshylarymen jáne ekinshi deńgeıli bank fılıaldarynyń basshylarymen kezdesti. Osy baǵdarlama jarııalanǵaly beri elimiz boıynsha jalpy somasy 18,6 mlrd. teńgeni quraıtyn 1,5 myńnan astam ótinish kelip túsken. Sonyń ishinde О́skemen «7-20-25» baǵdarlamasyn júzege asyrýdy sátti bastaǵan qalalardyń biri ekenine aıryqsha nazar aýdarǵan jón. Qazirdiń ózinde munda «Nurly jer» baǵdarlamasy boıynsha «Samuryq Qazyna» ulttyq ál-aýqat qory» AQ, «Báıterek Development» AQ jáne basqa da jeke qurylys kompanııalary salǵan 431 páter paıdalanýǵa berýge daıyn. Jyl sońyna deıin taǵy 798 páter daıyn bolady dep kútilýde.

– Qazirgi kezde baspana eń ózekti máselelerdiń biri ekeni sózsiz. «7-20-25» baǵdarlamasy sol máseleni tıimdi sheshýge baǵyttalǵan mańyzdy bastama. Ásirese jas otbasylar úshin úlken múmkindik. Baspanany kez kelgen otbasy úshin bolashaqqa salynǵan ınvestısııa desek te, artyq emes. Osylaısha Elbasy barsha qazaqstandyqtardyń úıli bolýyna dańǵyl jol ashyp, ıpotekalyq nesıelerdiń qoljetimdiligin qamtamasyz etip otyr. Osy sapar nátıjesinde bes bastamanyń Shyǵys Qazaqstan oblysynda tabysty júzege asyrylyp jatqanyna kýá boldyq. Aldaǵy ýaqytta da partııa bul jumystardy baqylaýdy jalǵastyra beredi,– dedi partııa Tóraǵasynyń Birinshi orynbasary.

Elbasynyń bes áleýmettik bastamasynyń taǵy biri – shaǵyn nesıe berýdi kóbeıtý. Osy bastamanyń oblysta qalaı júzege asyrylyp jatqanyn qadaǵalaý úshin Máýlen Áshimbaev Shyǵys Qazaqstan oblysy Kásipkerler palatasy Kásipkerlerge qyzmet kórsetý ortalyǵyna bardy. Ol jerde óz isin órkendetý úshin shaǵyn nesıe alyp, jumys istep otyrǵan kásipkerlermen kezdesip, Prezıdent bastamasynyń mańyzdylyǵyna nazar aýdardy. Búginde oblys boıynsha shaǵyn nesıeni kóbeıtý úshin qosymsha 1,7 mlrd. teńge bólingen. Al qarjylandyrýdyń jalpy kólemi 4,9 mlrd. teńgeni qurap, nátıjesinde 377 adam qoljetimdi shaǵyn nesıe alǵan.

Kásipkerlermen kezdesýinde «Nur Otan» partııasy Tóraǵasynyń Birinshi orynbasary shaǵyn jáne orta bıznesti qoldaýǵa baǵyttalǵan partııalyq jobalar týraly aıtyp berdi.

– Elbasynyń bes áleýmettik bastamasy aıasynda shaǵyn nesıe berýdi kóbeıtý baǵdarlamasynyń júzege asyrylýy partııanyń únemi basty nazarynda. Jalpy shaǵyn jáne orta bıznesti damytý partııa basymdyqtarynyń biri bolyp tabylady. Osy baǵytta «Atameken» ulttyq kásipkerler palatasymen jáne ákimdiktermen birlesip birqatar jobalardy qolǵa aldyq,– degen Máýlen Áshimbaev onlaın túrde ulttyq biryńǵaı geoaqparattyq qyzmet kórsetetin portaldyń jumysyn keńinen túsindirdi. Bul portal arqyly kásipkerler bos jer telimderi týraly tolyq aqparat alýǵa qol jetkizedi jáne ol barlyq qoldanýshyǵa qoljetimdi bolmaq.

О́z sózinde Máýlen Áshimbaev partııanyń Prezıdenttiń bes áleýmettik bastamasyna qoǵamdyq baqylaý júrgizýdi odan ári jandandyra túsetinin aıtty. Soǵan baılanysty respýblıkalyq jáne aımaqtyq qoǵamdyq keńester, arnaıy jumys toptary qurylǵanyn jáne partııanyń nurotan.kz resmı saıtynyń «Prezıdenttiń bes áleýmettik bastamasy» bóliminde jańa «100 suraq – 100 jaýap» aıdary ashylǵanyn jetkizdi.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar