Qazirgi tańda baılanystyń ǵalamtor, mobıldi baılanys sııaqty túrleri óte keń taralǵanymen, joǵary jyldamdyqtaǵy radıtelegrafııa óz ózektiligin joǵaltpaǵan. Buryndary ol apattyq jaǵdaılar jaıly habar berý men alystaǵy adamdardyń bir-birimen baılanysa alýynyń negizgi quraly bolǵan bolsa, qazirgi tańda radıoáýesqoılardyń arqasynda sport túrine aınalǵan. Búgingi kúni bizdiń elimizde de bul sport túri durys jolǵa qoıylyp, kúnnen kúnge damı túsýde. Onyń dáleli – elimizde alǵash ret 2018 jyldyń 25-29 tamyz aralyǵynda ótetin joǵarǵy jyldamdyqtaǵy radıotelegrafııadan 15-shi Álem Chempıonaty.
Radıosport kóp bilimdi talap etetin, joǵary ıntelektýaldy tehnıkalyq sport túri bolyp tabylady.
Joǵary jyldamdyqtaǵy radıotelegrafııa – radıosporttyń bir salasy. Onyń negizi Morze álipbıiniń kómegimen habarlamalardy qabyldaý jáne jiberý bolyp tabylady. Onyń kelesi túrleri bar:
- Maǵynasyz sandyq, áriptik jáne aralas radıogrammalardy tyńdaý arqyly qabyldaý;
- Telegraftyq kilt kómegimen maǵynasyz sandyq, áriptik jáne aralas radıogrammalardy jiberý;
- Morse runner;
- RUFZ.
Álem Chempıonatyna álemniń 17-i elinen jınalǵan 150-den asa adam qatysady jáne olar ár túrli jas sanattarynda baq synasady.
Jarys kezeńderi IBIS qonaq úıinde 26 tamyz saǵat 9 00 bastalady. Barlyq qyzyǵýshylyq tanytqan adamdarǵa jarysqa kelip, bárin óz kózderimen kórýge bolady.
