Konferensııaǵa QRBjǴM bilim salasyn baqylaý komıteti tóraǵasynyń orynbasary L.Bólebaeva, «NZM» DBBU ókilderi, aýdandyq, qalalyq bilim bólimderiniń basshylary, bilim berý uıymdarynyń basshylary, oblys pedagogtary, ardager-ustazdar barlyǵy, bilim salasyndaǵy ózekti máseleler men jetistikterdi saralaýǵa jáne jańa oqý jylyna arnalǵan mindetterdi aıqyndaýǵa barlyǵy tórt júzden astam adam qatysty.
Oblysta 271 mektepke deıingi uıym, 143 mektep, TjKB 27 uıymy, qosymsha bilim berý uıymdary 15 jumys isteıdi. Oblysta jyl saıyn orta eseppen 20-23 balabaqsha ashylyp, 3-6 jastaǵy balanyń 93% mektepke deıingi tárbıemen qamtyldy. Jyl sońyna deıin qamtý kórsetkishi 97% bolady. 1 qyrkúıekte 134 129 oqýshy mektepke barady, onyń ishinde birinshi synyp oqýshylarynyń kontıngenti 16600 oqýshyny quraıdy. Jańa oqý jylynyń basynda kútiletin jeli sany – 143 memlekettik jáne 5 jekemenshik mektep. Bıyl oblysta – 9 mektep ashyldy.
Aqtaý qalasyndaǵy jańadan ashylǵan № 29 mektep smart-mektebinde STEM-laboratorııa, smart-jylyjaı, galografıkalyq aqparattandyrý buryshtary, chıp arqyly oqýshylardyń mektepke kelip-ketýin qadaǵalaý jobalary engizildi. Osyndaı STEM-laboratorııa memlekettik-jekeshelik mehanızmi arqyly oblysymyzda 25 mektepte jumys jasaıtyn bolady. Mańǵystaý polıtehnıkalyq kolledjinde IT mamandar, ınformatıka páni muǵalimderi men oqýshylarǵa arnalǵan biliktilik arttyrý kýrstary, t.s. ótkiziletin IT-ortalyq ashý jumystary bastaldy.
«Aýyl kóshbasshylary» jobasynyń nátıjesi boıynsha 30 oqýshy Almaty qalasyndaǵy jáne 70 oqýshy Aqtaý qalasynda teńiz jaǵasyndaǵy trenıngtik lagerde oqyp, demaldy.
«Kásipker bolamyn» jobasy aıasynda 85 muǵalim, 365 oqýshy bıznes-trenerlikke oqytylyp, nátıjesinde jeńimpaz 150 bala teńiz jaǵalaýyndaǵy bıznes-lagerde elimizge tanymal kásipkerler men bıznes-trenerlerden dáris aldy. Oqýshylar men stýdentter arasynda bilim basqarmasy men Nazarbaev Zııatkerlik Mektebiniń birigip ótkizgen «Kaspıan Startap-2018», Esenov ýnıversıtetiniń «Startap Bolashaq» konkýrstarynyń nátıjesinde 28 joba qarjylandyrylyp, kásipkerler tarapynan qoldaý taýyp, osyndaı startap jobalardyń konkýrsyn jyl saıyn ótkizý josparlandy. Atap aıtsaq, byltyr bastalǵan «Jasyl mektebim-jasyl mekenim» jobasy aıasynda bilim berý uıymdarynda 25 jylyjaı ashyldy.
Aqtaý qalasyndaǵy №21 mekteptiń janynan eýropalyq standartqa sáıkes fýtbol alańy (46 mln) salynyp, «Namys» balalar fýtbol klýby qurylýyna demeýshilik jasaǵan jeke kásipker Appasov Anýarbek. Qazir klýbta eki júzden asa jasóspirim bar. Mektep bazasynan fýtbol akademııasyn ashý jumystary júrgizilýde. Qyrkúıek aıynan bastap jergilikti bıýdjet esebinen 22 balany qamtıtyn fýtbol synyby ashylady.
- Jastardy ǵylymı-zertteý jumystaryna baýlý jáne óndiristik-tehnologııalyq ortaǵa kiristirý – basty mindetterimizdiń biri bolýy tıis. «Sıfrlyq Qazaqstan» memlekettik baǵdarlamasyn, onyń ishinde bilim berý júıesin sıfrlandyrýdy, sonymen qatar IT jáne ınjınırıngtik qyzmet daǵdylaryn damytýdy júzege asyrý qajet. Bilim berý uıymdaryndaǵy ınternettiń jyldamdyǵyn 4-10 MBıtten 60-100 Mbıtke deıin kóterý, ony saýatty ári tolyqqandy paıdalaný talap etiledi. Synyptardy zamanaýı úlgidegi kompıýterlermen, LED dıspleılermen jabdyqtaý, robotehnıka quraldarynyń jańa modelderimen tolyqtyrý qajet. Osy maqsatta bıyl jergilikti bıýdjetten kompıýter satyp alýǵa 300 mln. teńge qaraldy. Bilim berý júıesin damytýǵa, týǵan jerdiń shynaıy otansúıgishterin tárbıeleýge qosqan úlesterińiz úshin zor alǵysymdy bildire otyryp, jańa oqý jylynyń bastalýymen quttyqtaımyn, dedi oblys ákimi Eraly Toǵjanov.
Sonymen qatar, aımaq basshysy bilim basqarmasyna, aýdan, qala ákimderine balany erte jastan damytý, mektepaldy daıarlyqtyń sapasyn arttyrý, balabaqshalardyń materıaldyq-tehnıkalyq bazasyn nyǵaıtý, oqý-ádistemelik quraldardy satyp alý, eń bastysy - kadrlardyń biliktiligin kóterý sharalaryn uıymdastyrýy boıynsha tapsyrma berdi.
Is shara barysynda oblys ákiminiń Alǵys hatymen – 9 pedagog, «Qazaqstan Respýblıkasynyń bilim berý isiniń qurmetti qyzmetkeri» tósbelgisimen – 3 pedagog, «Y. Altynsarın» tósbelgisimen – 4 pedagog, QR Bilim jáne ǵylym mınıstriniń Qurmet gramotasymen men Alǵys hattarymen – 15 pedagog marapattaldy. Sonymen qatar, jyl saıynǵy úrdis boıynsha jalpy bilim beretin mektepterdiń qyzmetin baǵalaý maqsatynda ótkiziletin «Orta bilim beretin úzdik uıym» grantyn berý konkýrstyń jeńimpazyn marapattaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
