- Jumyla kótergen júk jeńil demekshi", barshańyzdy bir kisideı atsalysýǵa shaqyramyn. Qazaq úlkendi qurmettegen halyq. Sondyqtan da jas urpaq sizder aıtqan keńeske qulaq salary anyq. Bireý bilmestikpen, endi bireý bile tura osyndaı jaǵdaıǵa baryp jatady. Al munyń sońy mıllıondaǵan aıyppul nemese temir torǵa qamaýǵa aparyp jatyr. Sybaılas jemqorlyqtyń sońy nege aparatyndyǵy týraly áńgimeler túrli basqosýlarda jıi aıtylyp tursa, aqylǵa keletinder kóbeıe túseri sózsiz, dedi departament basshysy Nurgúl Jannazarova.
Aýdandyq ardagerler keńesiniń tóraǵasy Aıapbergen Bıshenovtyń bastamasyn aýdandyq analar keńesiniń tóraıymy Aıǵanym Tólesbaeva qoldaıtynyn jetkizdi. Qoǵamdyq ómirge belsene aralasyp júrgen olar shette qalǵysy joq, ómirlik tájirıbesimen bólispek.
Sondaı-aq, aýdan ákimdiginde memlekettik qyzmetshilermen kezdesý ótkizilip,sybaılas jemqorlyqqa qarsy saıasatynyń júzege asyrylýy, memlekettik qyzmet salasyndaǵy ózgertýler men tolyqtyrýlar, memlekettik qyzmetshilerdiń ádep jáne minez-qulyq normalaryn saqtaý máseleleri aıtyldy.Sharaǵa aýdan ákiminiń orynbasarlary, máslıhat hatshysy, "Nur Otan" partııasy aýdandyq fılıaly, bólim basshylary, memlekettik qyzmetshiler jáne memlekettik kórsetetin kvazımemlekettik organdarynyń basshylary qatysty.
Aýdan ákimi Qydyrberdi Bekovtyń aıtýynsha, memlekettik kórsetiletin qyzmetterdiń sapasyn jetildirý, qyzmetter kórsetý úderisin meılinshe ońtaılandyrý, qujattardyń merzimi men tizbesin qysqartý, qaǵazbastylyqty azaıtý jáne sybaılas jemqorlyqtyń aldyn-alý boıynsha túrli sharalar júrgizilýde.
Qaraqııa aýdanyna jasaǵan jumys sapary aıasynda departament basshysy Nurgúl Jannazarova jáne Ádep jónindegi keńes múshesi Qaırolla Erejepov halyqty jumyspen qamtý jáne halyqqa qyzmet kórsetý ortalyǵynda bolyp, Quryq jáne Jetibaı aýyldaryna baryp azamattardy jeke suraqtarmen qabyldady. Aýdan turǵyndarynyń deni jumyssyzdyq, jastar praktıkasy, densaýlyq, bilim salasy jáne memlekettik qyzmetke jumysqa turý jóninde suraqtarǵa jaýap izdedi. Barlyq ótinishter boıynsha jaýaptar berildi.
Qaraqııa aýdanynan bastaý alǵan bul shara aldaǵy ýaqytta oblystyń basqa da aýdandarynda jalǵasyn tappaq.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
