– Sizderge jasap otyrǵan orasan eńbekterińiz úshin alǵys aıtqym keledi. Bıyl «ArselorMıttal Temirtaý» AQ basshylyǵymen kelisimge qol jetkizip, resmı qujatqa sáıkes, kompanııa óndiris nysandaryna úsh jyl ishinde 305 mlrd teńge ınvestısııalaıtyn boldy. Bul qarajat shahtalardy damytýǵa, eńbekkerlerdiń qaýipsizdigin arttyrýǵa jumsalmaq. Kásibı merekelerińizben shyn júrekten quttyqtaısyn, –dedi saltanatty jıynnyń kirispesinde Qaraǵandy oblysy ákiminiń orynbasary Almas Aıdarov.
Shahterler men eńbek ardagerlerin «ArselorMıttal Temırtaý» AQ-nyń atqarýshy dırektory Vadım Basın de kompanııa basshylyǵynyń atynan arnaıy quttyqtady.
–Búgingi kún Qaraǵandy úshin erekshe, óıtkeni bul osy óńirdiń negizin qalaýshy shahter eńbeginiń merekesi, –dedi ol.–Osyndaǵy myńdaǵan adamdardyń ómiri shahterdiń úlken qurmetke laıyq aýyr eńbegimen baılanysty. Osy óńirdiń ıgilikteri tikeleı sizderdiń qajyrly eńbekterińizdiń jemisi. Ásirese, ardager shahterlerge alǵysymyz sheksiz, sizderdiń arqalaryńyzda qazir bizdiń qalyptasqan eńbek dástúrlerimiz, sizderdiń joldaryńyzdy qýǵan izbasarlar bar.
Osydan keıin birqatar kenshilerge túrli marapattar tabys etildi. «Tentek» shahtasyndaǵy konveıerlik kólik ýchaskesiniń basshysy R.Valeev; tazartý kenjarynyń jumysshylary G.Vıgovskıı (Lenın atyndaǵy shahta), L.Kotov («Shahtınsk» shahtasy), B.Mahambetov ( «Abaı» shahtasy), S.Chernyshov (T.Kúzembaev atyndaǵy shahta); prohodchıkter O.Proskýrnın (Kostenko atyndaǵy shahta) men Q.Murynbaev («Qazaqstan» shahtasy), «Saran» shahtasynyń jer asty elektrslesari I.Svırıdov I dárejeli «Shahter dańqy» belgisimen marapattaldy. Sonymen qatar, osy belginiń ekinshi dárejesimen 17 shahter, úshinshi dárejesimen 25 shahter nagradtaldy.
Al úsh dárejeli «Eńbek dańqy» belgisiniń ár dárejesimen on eki adamnan, barlyǵy 36 shahter marapattaldy. Sondaı-aq, ondaǵan kenshilerdiń eńbegi mereke ústinde Qaraǵandy oblysy ákiminiń Qurmet gramotalarymen jáne Alǵys hattarymen atalyp ótti.
Saltanatty jıyn sońy merekelik konsertke ulasty. Shahterler aldynda belgili ónerpazdar Araılym Júkenova men Ershat Qonaqbaev, Táttimbet atyndaǵy Akademııalyq ult aspaptary orkestri, «Mereı» ansambli jáne osy merekege oraı Almatydan arnaıy shaqyrylǵan tanymal ánshi Álı Oqapov óner kórsetti.
Qaırat ÁBILDA,
«Egemen Qazaqstan»
QARAǴANDY
