«Medıasııa ınstıtýty – qoǵamdyq sanany jańǵyrtýdyń mańyzdy elementteriniń biri. Sońǵy ýaqytta qazaqstandyqtar daýdy sheshý úshin sotqa emes, kásibı medıatorlar kómegine kóbirek júgine bastaǵan. О́ıtkeni sot prosesteri aryzdanýshy eki taraptyń birneshe aı ýaqytyn alsa, medıasııa prosesi talasty taraptardy birneshe saǵat ishinde tatýlastyryp, sheshim shyǵarady. Bul – ýaqyt únemdeıdi. Ekinshiden, sotqa emes, medıatorlyq kómekke júgingen azamattardyń qarjylyq shyǵyny azaıady. Quqyq qorǵaýshy jaldaýdyń, kóptegen saraptamalar jasaýdyń qajeti bolmaı qalady. Bul da qarjy únemi. Úshinshiden, ári eń bastysy, sottaǵy sııaqty eki taraptyń biri jeńilip, biri jeńbeı, eki jaqtyń da kóńilinen shyǵatyn ortaq sheshim qabyldaıdy. Bul azamattardyń medıasııaǵa degen oń kózqarasy, oń ortaq sheshimge kelýge daıyn ekendikterinen, quqyqtyq mádenıettiń damyp kele jatqandyǵynan habar beredi. Jalpy, medıasııa qoǵamdaǵy turaqtylyqqa jaǵymdy áser beredi», dedi QHA hatshylyǵynyń meńgerýshisi L.Prokopenko.
L. Prokopenkonyń aıtýynsha, QHA-nyń endigi basty mıssııasy – medıasııa ınstıtýtyn nasıhattaý. Osy oraıda QHA medıasııa salasy Joǵarǵy sotpen, Advokattar kollegııasymen jáne basqa da quqyqtyq ınstıtýttarmen kelisimder ornatty. Sonyń nátıjesinde 3 tamyz kúni QHA «Biryńǵaı medıasııa kúnin» ótkizip, oǵan 800 medıasııa kabıneti qatysyp, 3 myńǵa jýyq qoǵamdyq medıator jumyldy. Shara barysynda respýblıka boıynsha 5 myń adam keńes suraı kelip, 150-ge tarta medıatıvtik kelisimge qol jetken. Sol sebepti medıasııanyń múmkindigi, maqsaty men paıdasy týraly halyq kóbirek bilýi kerek. Aldaǵy ýaqytta QHA óziniń qoǵamdyq alańdaryn medıasııa ınstıtýtyn nasıhattaý baǵytyndaǵy jumystarǵa arnamaq.
Semınarda sóz alǵan «Qoǵamdyq pikir» zertteý ınstıtýtynyń dırektory Botagóz Raqysheva «polıetnıkalyq qoǵamdaǵy medıasııanyń múmkindikteri» týraly baıandama jasap, onda medıasııa mamandaryn daıyndaý, medıasııa mektepterin ashý máselesine basa mán berdi. Máseleni sheshý joldaryna toqtaldy. Al Azamattardyń quqyqtary boıynsha Ulttyq ortalyqtyń bas sarapshysy Ajar Súleımenova qatysýshylarǵa óz salasy men medıasııa salasynyń toǵysqan tustary kóp ekendigin, tize qosyp atqaratyn jumystar jeterlik ekenin jetkizdi. Qalalyq sot sýdıasy Gúljanat Rahmetova talasty istiń sheshimin sot álde medıasııa jolymen tabýdy ózderi tańdaıtyndyǵyn jetkizip, jalpy medıasııa salasynyń artyqshylyqtaryn sóz etti. «Iаǵnı medıasııada taraptar bir-birin jeńýdi maqsat tutpaı, tatýlasýǵa bet buratyn alternatıvti sheshim joly ekendigine mán berý kerek. Sonymen qatar medıatordyń sheshimi sottyń sheshimin shyǵarýdan da kúrdeli. Kásibı medıatorda tereń psıhologııalyq daıyndyq, ómirlik úlken tájirıbe bolyp, olar konflıktologııa negizderin bilýi kerek», dedi ol.
Semınar-trenıng barysynda «Turan-Astana» ýnıversıteti men QHA arasynda ózara yntymaqtastyq memorandýmyna qol qoıyldy.
Venera TÚGELBAI,
«Egemen Qazaqstan»
