Fransııa úkimeti 2019 jyly 4 jarym myń memlekettik qyzmetkerdi jumystan bosatady. Bul týraly eldiń premer-mınıstri Edýard Fılıpp «Le Journal du Dimanche» gazetine bergen suqbatynda aıtty.
«Memlekettik qyzmetkerler sanyn qysqartý el ekonomıkasyn modernızasııalaý maqsatynda jasalyp jatyr. Ýaqyt óte kele bul júıe el áleýetin jaqsartatyn bolady. 2020 jylǵa deıin 10 myńǵa deıin qyzmetkerler qysqartylady», dedi ol.
Aıta ketý kerek, osy jyly Fransııa úkimeti 1 myń 600 memlekettik qyzmetkerge qysqardy. Alaıda bul el prezıdentiniń josparlaǵanynan birshama az kórsetkish. Emmanýel Makron «5 jyl ishinde úkimettik uıymdardan 50 myń maman bosatylady», degen bolatyn. Sarapshylar mundaı ózgeris zaman talabyna saı jasalyp jatyr degendi alǵa tartady.
