Atalmysh qaýymdastyqty buǵan deıin Amantaı Kúrenbekov basqaryp keldi. Búkilqazaqstandyq qoıan-qoltyq aıqas qaýymdastyǵynyń prezıdentin qaıta saılaý - QR Mádenıet jáne sport mınıstri Arystanbek Muhamedıulynyń bastamasy. Buǵan qoldaý bildirgen qaýymdastyqtyń basqa músheleri biraýyzdan Nurlan Ermekbaevqa daýys berdi. Búgin Astanada ótken jıynǵa Arystanbek Muhamedıulymen birge atalmysh qaýymdastyqtyń burynǵy prezıdenti Amantaı Kúrenbekov te qatysty.
«Búkilqazaqstandyq qoıan-qoltyq urys qaýymdastyǵyn basqarýǵa senim bildirgenderińiz úshin shyn júrekten alǵys aıtqym keledi. Qoıan-qoltyq urys - óte mańyzdy sport. Qazaqstan Respýblıkasynyń Prezıdenti, QR Qarýly Kúshteriniń Joǵarǵy Bas Qolbasshysy Qazaqstan halqyna Joldaýynda «Sportpen shuǵyldaný, dene shynyqtyrýmen aınalysý - ómirdiń ár salasynda túrli qıyndyqtardy jeńe bilýge, jeńiske jeteleıtinin» aıtty. Osyǵan baılanysty armııa úshin, Qarýly Kúshter úshin sporttyń qoldanbaly túriniń mańyzy erekshe. Biz osyndaı jumysty jalǵastyramyz degen oıdamyn. Qaýymdastyq birneshe jyl boıy jumys istep, osy merzim ishinde jaqsy jetistikterge qol jetkizdi», dedi Nurlan Ermekbaev.
О́z kezeginde Arystanbek Muhamedıuly Nurlan Ermekbaevty qaýymdastyq prezıdenti bolyp saılanýymen quttyqtady.
«Qazirgi kezde Qarýly kúshterdiń deńgeıi aıtarlyqtaı kóterilgenin kórip otyrmyz. Qazaqstan sportshylary qandaı jarystar bolmasyn, joǵary kórsetkishterge qol jetkizip jatyr. Men, álbette, barlyq sport birlestikteriniń atynan Nurlan Baızaqulyn qaýymdastyq prezıdenti bolyp saılanýymen quttyqtaımyn. Nurlan Baızaquly - ózi de keremet sportshy, kóptegen saıystardyń jeńimpazy, 1988 jyly sport sheberligine úmitker atanǵan. Qaýymdastyqtyń damýyna jańa kókjıekter ashylǵanyna senimdimin», dedi Arystanbek Muhamedıuly.
