«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty QR Prezıdentiniń Qazaqstan halqyna Joldaýyn iske asyrý sheńberinde QR Densaýlyq saqtaý mınıstrligi jyldyń basynan bastap «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksi jobasynyń jańa redaksııasyn ázirleýdi bastady. Zań jobasyn qabyldaý menshikti jáne halyqaralyq tájirıbeniń úzdik úlgilerine negizdelgen densaýlyq saqtaýdyń uzaq merzimdi, tıimdi jáne turaqty modelin ázirleýge jáne engizýge baǵyttalǵan, ol medısınalyq qyzmetterdiń qoljetimdiligi men sapasyn qamtamasyz etetin bolady», - dep málimdedi vıse-mınıstr.
Alekseıa Soıdyń aıtýynsha, zań jobasynyń maqsaty densaýlyq saqtaý júıesindegi qoldanystaǵy zańnamany jetildirý jáne damytý, qoǵamdyq densaýlyq saqtaý júıesin damytý, QR-ǵy medıısınalyq bilim berý men ǵylymdy, elektrondyq densaýlyq saqtaýdy jetildirý, medısınalyq kómek kórsetýdiń sapasy men tıimdiligin qamtamasyz etý, sondaı-aq densaýlyq saqtaý júıesindegi qoldanystaǵy zańnamany jetildirý bolyp tabylady.
«Zań jobasyn densaýlyq saqtaý júıesiniń strategııalyq baǵyttaryn jetildirý men damytýǵa baǵyttalǵan birneshe negizgi bloktarǵa shartty túrde bólýge bolady:
1) bul qoǵamdyq densaýlyqty saqtaýdy damytý;
2) medısınalyq kómek kórsetý júıesin jetildirý;
3) densaýlyq saqtaý salasyndaǵy bilim berý men ǵylym qyzmetin jetildirý;
4) farmasevtıkalyq qyzmet jáne dári-dármek aınalymy salasynda jasýshalyq bıotehnologııalar salasyndaǵy qyzmettiń quqyqtyq negizdemeleri beriletin bolady;
5) aǵymdaǵy jyly ınteroperabıldilik platformasyn iske qosý josparlanyp otyr, ol barlyq medısınalyq aqparattyq júıeni kezeń-kezeńimen ıntegrasııalaýǵa jáne halyqtyń elektrondyq densaýlyq saqtaý pasporttarynyń biryńǵaı bankisin iske qosýǵa múmkindik beredi;
6) jergilikti atqarýshy organdardyń birishi kezekte halyqqa ambýlatorlyq-emhanalyq kómek kórsetýdiń tıimdi uıymdastyrylýyn qamtamasyz etý úshin jaýapkershiligin kúsheıtý josparlanýda;
7) medısınalyq kadrlardyń tapshylyǵyn tómendetý maqsatynda jergilikti jerlerde 2019 jyldan bastap memlekettik grant boıynsha oqyǵan bitirýshilerdiń óńirlerdegi mindetti úsh jyldyq jumyspen óteýi engiziletin bolady. Densaýlyq saqtaý salasyndaǵy adamı resýrstardy basqarýdyń osy jáne basqa da máseleleri Kodekstiń jobasynda eskeriletin bolady» – dep qosymsha málimdedi vıse-mınıstr.
Osylaısha, osy zań jobasy qol jetkizilgen jetistikterdi bekitýge jáne damytýǵa, densaýlyqty saqtaý máselelerindegi oryn alǵan problemalardy sheshýge baǵyttalatyn, sondaı-aq salanyń josparly jáne pármendi damýynyń negizi bolady.
О́ziniń sózin qorytyndylaı kele, Alekseı Soı Mınıstrliktiń Kodekstiń jobasyn barlyq dıalog alańdarynda múddeli taraptarmen talqylaý úshin daıyn ekenin atap ótti. Kodekstiń jobasymen Sizder QR DSM-niń mz.gov.kz saıtynda tanysa jáne óz usynystaryńyzdy keri baılanysta bolý úshin Kodeks_zdorovya_RK@mail.kz elektrondyq mekenjaıyna jibere alasyzdar. Sondaı-aq qazirgi kezde Kodeks tujyrymdamasynyń jobasy táýelsiz sarapshylardy, ÚEU men BAQ-ty tarta otyryp, jumys toptarynda qaralýda.
