Osy oraıda, Almaty qalasyndaǵy О́.Ospanov atyndaǵy Qazaq topyraqtaný jáne agrohımııa ınstıtýtymen birlesip, ǵylymnyń sońǵy jańalyqtaryn paıdalana otyryp egistik jerlerdi tuzdan aryltý jumystaryn júrgizýge bel býǵan otyrarlyqtar kóńil qýantarlyq nátıjege de qol jetkizipti. Úkili úmitke senim artyp, aýylsharýashylyq salasyndaǵy salmaǵy aýyr bul istiń oń sheshilýine barynsha zeıin qoıǵan aýdan basshylyǵy bıylǵy jańbyrdyń azdyǵyna qaramaı jyldaǵy ónimnen rekordtyq kórsetkishke qol jetkizgenin aıtty. Máselen, byltyrǵy jyly júgeri daqylynyń kólemi 8500 gektar bolsa, bıyl 10050 gektarǵa artqan. Jer-ananyń 4000 gektaryna tereń qopsytý tehnologııasy qoldanyla otyryp, nátıjesinde úsh ret sýǵarylýy tıis júgeri alqaptaryna eki ret qana sý jiberilý arqyly aǵyn sý únemdelipti. Atalǵan ınstıtýt ǵalymdary óńdegen 3700 gektardyń ár gektarynan alynatyn ónim 150 sentnerge jetip, ónimniń eki ese kóp jınalýy kútilýde.
Al baqsha ónimderi byltyr 6800 gektar jerge egilse, bıyl 7492 gektar alqapqa qanat jaıǵan. Qaýyn-qarbyz ónimderi Qazaqstanda ǵana emes, shet eldik tutynýshylarǵa da eksporttalý ústinde. Uzaq merzimge shydaıtyn qaýynqaq, qaýynqurt ta kóptep daıyndalyp, tabıǵı dárýmenge baı ónimder jańasha qyrymen otandyq taýarlar úlesin kóbeıtpek. Qazirgi tańda, sharýalar bul bastamanyń zaman talabyna saı daıyndalýy men túrli qyrlaryn eksheý ústinde. Demek, jáı ǵana qaýynqaq ataýymen tanys ónim tyń jańalyǵymen qaıta jańǵyrýy da bek múmkin.
Otyrar aýdanynda mal basynyń artqany da baıqalady. Jyldaǵy eseptik kórsetkishpen salystyrǵanda sıyr 105, jylqy 111, qoı 112, túıe 103 paıyzǵa kóbeıgen. Sondaı-aq, «Sybaǵa» - 101, «Qulan» - 104, «Altyn asyq» - 106 paıyzǵa ósip, memlekettik baǵdarlama tolyǵymen júzege asyrylyp, nátıjesinde mal sharýashylyǵymen aınalysýshy mamandar kóptegen ıgi qadamdarǵa jol ashty.
Oblys ákimi Janseıit Túımebaevtyń bastamasymen Túrkistan oblysynda qolǵa alynǵan «CAMEL RANCH» baǵdarlamasyna Otyrar aýdany da atsalysýda. Qazirgi tańda aýdanda 6350 bas túıe bolsa, olardyń sanyn arttyrý boıynsha tıimdi josparlar qolǵa alynyp, ıgilikti isti júzege asyrýǵa talpynys qarqyndy.
Otyrar aýdanynyń ákimi Aıtahanov Erlan Qýanyshuly aımaqtaǵy mal jáne aýylsharýashylyq nysandaryn kezekti ret aralap, sharýalar jaıyn osylaısha naqtylady, deıdi Otyrar aýdany ákiminiń baspasóz qyzmeti.
