Qazaqstandyq fotograftardyń 40-qa jýyq týyndysy Seýlde ótken kórmege qoıyldy. Jergilikti turǵyndar fotosýretter arqyly Astananyń kórikti jerlerine saıahattap qaıtty.
«Men Almaty men Astanada on ret boldym. Dostarymmen birge murajaılar men ózge de kórikti jerlerdi araladym. Búgin kórmeni aralap, qaıta Qazaqstanǵa oralǵandaı boldym. Az ýaqyttyń ishinde osyndaı jas elordanyń qurylǵanyna, eldiń damý qarqynyna tań qaldym. Koreıa men Qazaqstan arasyndaǵy mádenı, gýmanıtarlyq áriptestik úzilmes úshin taraptar tıisti memorandýmǵa qol qoıdy. Qujat aıasynda birneshe aýqymdy shara ótkizý josparlanǵan», deıdi kórmege kelgen kórermen.
«Astana – Uly Dala jaýhary» atty fotokórme álemniń 9 elin aralap úlgerdi. Jýyrda elordamyzdyń kórikti jerlerin London turǵyndary tamashalaıdy.
