Bul Qazaqstan boıynsha eń joǵarǵy baǵa. Sonymen birge, Atyraý qalasynyń turǵyndary Almatyǵa qaraǵanda qymbatyraq baspanalardy tańdap jatqany anyqtaldy. Atyraý boıynsha «7-20-25» baǵdarlamasy aıasynda tańdalǵan páterdiń ortasha baǵasy 13 480 000 teńge bolsa, almatylyqtar shamamen 12 900 000 teńgelik páterlerdi durys kóredi. Alaıda, baǵdarlamaǵa qatysýshylar sany jaǵynan almatylyqtar alda keledi. Baǵdarlama aıasynda tapsyrys berilgen baspananyń eń arzany Qostanaıda. Qostanaıdaǵy úıdiń ortasha baǵasy 7 400 000 teńgeni quraıdy.
Arzan baspanasymen maqtana alatyn óńirlerdiń qatarynda Aqtaý (baspananyń ortasha baǵasy - 7 900 000 teńge) men Aqmola oblysy (baspananyń ortasha baǵasy - 8 170 000 teńge) da bar. 25 tamyz kúngi málimet boıynsha, 1803 azamat «7-20-25» baǵdarlamasyna qatysýǵa nıet bildirip, 21,3 mlrd. teńge somasyna tapsyrys bergen. Onyń ishinen 14 mlrd. teńge somasyna 1190 azamattyń ótinishi maquldandy. Qazirgi tańda, «7-20-25» baǵdarlamasy aıasynda Sentrkredıt banki, ATFBank, SesnaBank, Bank RBK men Eýrazııalyq bank halyqqa nesıe berýde.
