Jazdyń ystyǵy áli kete qoıǵan joq, oblys turǵyndary men qonaqtary odan mezi bolyp salqyndaý jáne tynyǵý úshin sý aıdyndaryna barady. Batys Qazaqstan oblysy Tótenshe jaǵdaılar departamenti qaýipsiz sýǵa túsý maýsymyn uıymdastyrý úshin sýdaǵy adammdar ólimin boldyrmaýǵa baǵyttalǵan sharalar keshenin ótkizedi.
Máselen, 2018 jyldyń 25 tamyz kúni BQO TJD Jedel-qutqarý jasaǵy jáne eriktiler Jaıyq ózeninde qaıyqpen «Sý qurbandaryna jol joq!» aksııasyn ótkizdi. Bul is-shara qoǵamnyń nazaryn sýdaǵy jazataıym oqıǵalar problemasyna aýdarý, salaýatty ómir saltyn nasıhattaý arqyly sýdaǵy júris-turys erejeleri týraly halyqtyń habardarlyǵyn arttyrý maqsatynda ótkizildi.
Aksııa barysynda ózenniń marshrýty boıynsha patrýldeý júrgizildi, demalýshy azamattarǵa sýdaǵy júris-turys erejeleri túsindirildi. Jappaı sýǵa shomylý oryndaryna toqtaǵan kezde halyqqa profılaktıkalyq áńgime júrgizilip, úgit-nasıhat paraqshalary taratyldy.
О́kinishke oraı, patrýldeý kezinde eresekterdiń qaraýynsyz ózen jaǵasynda júrgen balalar jıi kezdesti. Balalarǵa áńgimelesý júrgizilip, olarǵa ata-anasynsyz nemese eresektersiz óz betterimen ózenge kelmeýlerine usynys aıtyldy.
Sý aıdyndaryndaǵy qaýipsizdik sharalaryn nasıhattaý tek sýǵa shomylý maýsymynda ǵana emes, jyl boıy qysqy kezeńde, seń júrý jáne tasqyn kezinde júrgiziletinin aıtyp ótken jón.
Sońǵy 10 jylda oblysta 270-ten asa adam sýǵa batty, onyń 70-ke jýyǵy balalar. 2018 jyldyń sýǵa shomylý maýsymynyń basynan beri 8 sýǵa batý jaǵdaıy tirkeldi, olardyń 2-i kámeletke tolmaǵan bala.
