«Tamasha tv» telearnasynyń efıri «Qazaqstan» teleradıokorporasııasynyń ishki teleónimimen tolyqtyrylatyn bolady.
Jańa telearnada teleradıokorporasııa muraǵatynda jyldar boıy saqtalǵan, kezinde kórermenniń kóńilinen shyqqan tanymal oıyn-saýyqtyq baǵdarlamalar efırge qaıtadan oralatyn bolady. Bul telearna otandyq televızııa áleminde oıyn-saýyqtyq, ázil-syqaq janryndaǵy baǵdarlamalardy keńeıtýdi kózdeıdi.
«Tamasha tv» telearnasynyń ortasha táýliktik habar taratý ýaqyty 22 saǵatty quraıtyn bolady. «Tamasha tv» telearnasynyń dırektory bop Esen Eleýken taǵaıyndaldy.
