2011 jylǵy 3 qarasha, Astana, Úkimet Úıi
«Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy №220 qaýlysyna ózgeris pen tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Bıýdjettiń atqarylýy jáne oǵan kassalyq qyzmet kórsetý erejesin bekitý týraly» Qazaqstan Respýblıkasy Úkimetiniń 2009 jylǵy 26 aqpandaǵy №220 qaýlysyna (Qazaqstan Respýblıkasynyń PÚAJ-y, 2009 j., №12, 86-qujat) mynadaı ózgeris pen tolyqtyrý engizilsin:
kórsetilgen qaýlymen bekitilgen Bıýdjettiń atqarylýy jáne oǵan kassalyq qyzmet kórsetý erejesinde:
156-tarmaqtyń ekinshi bóligi mynadaı redaksııada jazylsyn:
«Osy Erejeniń 157 – 160, 160-2-tarmaqtarynda kórsetilgen erekshelikter men shyǵystardyń ekonomıkalyq synyptamasynyń erekshelikteri boıynsha shyǵystar túrlerin qospaǵanda, shyǵystardyń ekonomıkalyq synyptamasynyń kórsetilgen tizbege enbeıtin erekshelikteri boıynsha avanstyq (aldyn ala) tólemge aǵymdaǵy qarjy jylyna jasalǵan shart somasynyń 30 paıyzynan aspaıtyn mólsherde ruqsat etiledi.»;
Mynadaı mazmundaǵy 160-2-tarmaqpen tolyqtyrylsyn:
«160-2. Qazaqstan Respýblıkasynyń memlekettik qorǵanystyq tapsyrysy sheńberinde jasalǵan sharttar boıynsha avanstyq (aldyn ala) tólemge aǵymdaǵy qarjy jylyna kózdelgen shart somasynyń 75 paıyzynan aspaıtyn mólsherde jol beriledi.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
