Búgin Qazaqstan Respýblıkasynyń Konstıtýsııa kúnine oraı "Azamattarǵa arnalǵan úkimet" memlekettik korporasııasynyń Qyzylorda oblysy boıynsha fılıalynda merekelik is-shara ótti. Ata zańymyzdyń 23 jyldyǵyna oraı halyqqa qyzmet kórsetý ortalyǵyna kelgen árbir 23-shi azamat syılyqqa kitap aldy.
Sátti kezek ıeleri 100-ge jýyq kitaptyń ishinen ózine qyzyqtysyn tańdap alý quqyǵyna ıe boldy. Onyń ishinde saıası-qoǵamdyq, tarıhı kitaptarmen qatar, ár kitaphananyń tórinen oryn alǵan týyndylar - Elbasynyń kitaptary da boldy.
«Biz ár qyzmet alýshynyń kóńilinen shyǵatyndaı túrli taqyryptaǵy kitaptardy jınadyq. Kitapqumar qaýymnyń qatarynda jastarymyzdyń kóptigi qýantady. Kitap – qaı kezde de qundy syılyq bolyp qala bermek», dedi fılıal dırektory Aıdyn Qaırýllaev.
