Aksııa aıasynda jastar ortalyǵynyń eriktiler toby men «Jasyl el» eńbek jasaǵynyń jastary Mańǵystaý aýdandyq sot ujymynda bolyp, jumys barysymen tanysty.
Aksııa aıasynda aýdandyq sottyń sýdıasy S.Berdibekov zańdardaǵy ózgeristerge toqtalyp, úsh satyly sot júıesine kóshý, sýdıalyq laýazymǵa kandıdattarǵa qoıylatyn biliktilik talaptaryn kúsheıtý, Joǵarǵy sot janynan Sot tóreligi akademııasyn qurý, sýdıalardyń jańa Ádep kodeksin ázirleý, Sot jıýrıiniń jumysyn jańǵyrtý, tergeý sýdıalarynyń ókilettigin arttyrý, alqabıler soty qaraıtyn ister qataryn keńeıtý sekildi máselelerdi jastarǵa keńinen túsindirip berdi.
Jastar sýdıaǵa ózderin mazalaǵan suraqtaryn qoıyp, tushymdy jaýaptaryn aldy. Aksııaǵa qatysqan jastar qylmys pen quqyq buzýshylyqtyń ne ekenin uǵynyp, zańnyń ústemdigin keńinen túsindi.
Sharada aýdandyq sot tóraǵasy Jumabaı Janádilov: «Ýaqyt talabyna tolyq sáıkes keletin jańa Azamattyq prosestik kodeks pen «Joǵary Sot Keńesi týraly» jańa zań qoldanysqa endi. «Sot júıesi jáne sýdıalardyń mártebesi týraly» Konstıtýsııalyq zańǵa, Qylmystyq-prosestik kodeks pen Ákimshilik quqyq buzýshylyqtar týraly kodekske tıisti ózgerister engizildi. Osylaısha búgin barlyq deńgeıdegi sottar jańa qylmystyq jáne qylmystyq prosestik zańnama boıynsha jumys isteýde. Úsh býyndy sot júıesi Eýropanyń kóptegen damyǵan elderinde qalyptasqan úrdis. Mundaǵy basty maqsat – azamattardy áýre-sarsańǵa salmaı, sot ádildigine qol jetimdilikti arttyrý bolyp tabylady. Ol degenimiz – úsh satyly sot júıesi is boıynsha sot sheshiminiń jedel qabyldanýyna negiz qalaıdy», dedi.
Qalampyr TО́LEGENQYZY,
Jastar ortalyǵynyń mamany
Mańǵystaý oblysy,
Mańǵystaý aýdany
