Qazaqstannyń eńbek sińirgen qaıratkeri, Memlekettik «Daryn» jastar syılyǵynyń ıegeri, ánshi-jyrshy Aqan Ábdýáli Almaty oblysy ákiminiń áleýmettik máseleler boıynsha orynbasary bolyp taǵaıyndaldy. Aımaq basshysy Amandyq Batalov búgin óńir aktıvine jańa orynbasaryn tanystyrdy.
Aqan Jylqyshybaıuly Ábdýáli – 1975 jyly Almaty oblysy Jambyl aýdany Shıen aýylynda dúnıege kelgen. 2005 jyly Qurmanǵazy atyndaǵy Qazaq ulttyq konservatorııasyn, 2012 jyly Almaty ekonomıka jáne statıstıka akademııasyn támamdaǵan.
Eńbek jolyn Súıinbaı atyndaǵy Almaty oblystyq fılarmonııasynan bastaǵan. Keıinirek J.Elebekov atyndaǵy Respýblıkalyq estrada – sırk kolledjinde, sondaı-aq Qurmanǵazy atyndaǵy Qazaq Ulttyq konservatorııasynda ustazdyq qyzmetter atqarǵan.
T.Júrgenov atyndaǵy Qazaq ulttyq óner akademııasy mýzyka fakýltetiniń «Dástúrli mýzyka oryndaýshylyq» kafedrasynyń meńgerýshisi boldy.
2008-2009 jj. A.Jubanov atyndaǵy QOMMMI dırektorynyń mýzyka isi jónindegi orynbasary;
2009-2015 jj. A.Jubanov atyndaǵy RQMMMI dırektory;
2015-2016 jj. Jambyl atyndaǵy qazaq memlekettik fılarmonııasynyń dırektory qyzmetterin atqarǵan.
Almaty oblysy ákiminiń ókimimen 2016 jyldyń 1-shi maýsymynan bastap oblystyq mádenıet, arhıvter jáne qujattama basqarmasynyń basshysy bolyp taǵaıyndaldy.
Sondaı-aq Aqan Ábdýáli birneshe týyndynyń avtory. Atap aıtar bolsaq, 2003 jyly «Aǵama syr» lırıkalyq óleńder jınaǵy, 2004 jyly «Ǵasyrlar úni», 2004 jyly «Súıinbaı men Qataǵannyń aıtysy» dısk albomy, 2008 jyly «Jetisý aqyndarynyń jyr saryndary» atty notalyq úlgimen ǵylymı zertteýleri jaryq kórdi.
Elbasynyń tapsyrmasymen júzege asqan «Qazaqtyń dástúrli 1000 áni», «Qazaqtyń dástúrli 1000 kúıi», «50 Batyrlar dastany» taǵy basqa antologııalyq jınaqtardyń redaqsııa alqasynyń múshesi,«Qazaqtyń 100 áni», «Telqońyr» mýzykalyq-tanymdyq habarlarynyń júrgizýshisi ári ıdeıa avtory, sonymen qatar «Injý marjan», «Máńgilik saryn», «Astana arqaý» dástúrli mýzyka festıvalderiniń uıymdastyrýshysy ári júrgizýshisi mindetterin minsiz atqarǵan.
