Adasqannyń aldy jón, arty soqpaq

Táýelsizdigimizdi ulyqtap, jasampaz elimizdiń tatýlyǵyn saqtaý barlyǵymyzdan kúsh-jigerimizdi aıanbaı jumsaýdy talap etetindigi aqıqat. Táýelsizdiktiń 20 jyly Qazaq­stan, qazaq halqy úshin áleýmettik-eko­nomıkalyq, saıası jáne rýhanı ja­ńarý kezeńi boldy. Tarıhtyń enshisine aınalyp úlgergen jıyrma jylda Qa­zaq­stan saıası belsendiligimen álemdik qaýym­dastyqta aldyńǵy qatarly damyǵan eldermen terezesi teń memleketke aınaldy. Elimizdiń EQYU-ǵa tóraǵalyq etýi, bedeldi memleketter men halyqaralyq uıym ókilderiniń basyn qosqan Astana Sam­mıti­niń, Álemdik jáne dástúrli dinder lıderleri III seziniń ótýi, Islam Ynty­maq­tas­ty­ǵy Uıymyna tóraǵalyq etýi, aımaqtyq, onyń ishinde TMD aıasynda ekonomıkalyq birlestikter men ınte­gra­sııalyq úr­dis­terdi da­mytý – osynyń aıǵaǵy. Táýelsizdik bizge ońaılyqpen kelgen joq. Biraq ony saqtaý, qorǵaý jáne damytý odan da qıyn. Sondyq­tan Táýelsizdiktiń ná­tı­jesinde qol jetkizgen qundylyqtardy ýy­sy­myzdan shyǵarmaı, eńbektegi tabystarymyzben, qoǵamdyq ómirdegi belsendi pozısııamyzben eseleı túsýimiz kerek. Osyndaı ıgi maqsattar men ulaǵattardy jadymyzdan shyǵarmaı da­mytýda Jańaózendegi oryn alǵan keleńsiz jaǵdaıda jastardyń azǵyrýshylarǵa ilesýi, jazyqsyz adamdardyń ómiriniń qıy­lýy, ǵımarattar men áleýmettik nysan­dardyń qıraýy qatty qynjyltyp, na­razylyǵymyzdy týdyrdy. Endi jaǵdaıdy tez arada tolyq qalpyna keltirýge ju­my­la kirisip, halqymyzǵa tán sabyrlylyq, baısaldylyq jáne parasattylyq tanytaıyq. Sonda kez kelgen máseleni sheshýge bolady. Men Elbasy N.Nazarbaevtyń Mań­ǵys­taý oblysyna, Jańaózen qalasyna sapa­ryndaǵy aıtqan sózderinen osyny uqtym. «Adasqannyń aldy jón, arty soqpaq» degen. Elbasynyń salıqaly saıasatyn qol­dap, máselege aınalǵan árbir túıindi aqyl-parasatpen sheshe bilsek, Jańaózendegi ashý-yza men sabyrsyzdyqtyń saldarynan oryn alǵan qantógis pen ǵımarattardy órteý, qarapaıym adamdardyń dúnıesin tonaý, búldirý degen soraqylyqtar bolmas edi. Aǵaıyn, «ashý dushpan, aqyl dos», Táýelsizdik jyldaryndaǵy tarıhymyzdy zerdelep, oı eleginen ótkizip, elimizdiń álemdik arenadaǵy búgingi jetistikterine qurmetpen qaraıyq. Beıbit halqymyzdyń tynyshtyǵy men sábılerdiń syńǵyrlaǵan kúlkisi árbir qazaqstandyq úshin qymbat. Sondyqtan, Elbasynyń sarabdal saıasatyn qoldaý, elimizdiń qaryshtap damýyna úlesimizdi qosý – árbir qazaqstandyqtyń mindeti. Eńse tikteter eldiktiń úlgisi de osyndaıda kórinedi emes pe?!. Asqar ÁBDÝÁLI, Taraz memlekettik pedagogıkalyq ınstıtýtynyń rektory, tarıh ǵylymdarynyń doktory, professor. Jambyl oblysy.