«Barshańyzdy jańa parlamenttik maýsymnyń bastalýymen quttyqtaımyn. Sizder jazda óńirlerdi aralap, eldiń tynys-tirshiligimen jetik tanystyńyzdar. Halyqty ne tolǵandyratynyn, qandaı máseleler bar ekenin kózben kórip, bilip keldińizder. Ol barsha qazaqstandyqtardyń ál-aýqatyn jaqsartý jolyndaǵy qyzmetterińizge qajet. Kezek kúttirmeı qolǵa alynýǵa tıisti mańyzdy jumystar qazirdiń ózinde jetkilikti. Qos palatanyń birlesken otyrysynda basymdyqtardy aıqyndap, birden iske kirisýimiz kerek. Strategııalyq nysana bárimizge belgili. Ol ózimiz qabyldaǵan 2050-shi deıingi strategııanyń negizgi aldyǵa qoıǵan maqsaty 30 eldiń qataryna qosylý - bizdiń aınymas mejemiz. Dáıekti saıasat pen keshendi sharalar júrgizip, maqsatty túrde alǵa basyp kelemiz», - dedi Elbasy.
Birlesken otyrysqa QR Premer-Mınıstri, QR Memlekettik hatshysy, QR Prezıdenti ákimshiligiń basshysy, QR Joǵarǵy Soty, Úkimet músheleri, Senattyń 47 depýtatynyń 45-i, Májilistiń 107 depýtatynyń 106-sy, QR Prezıdentine tikeleı esep beretin jáne baǵynatyn organ basshylary, ulttyq kompanııalar men memlekettik uıymdar jetekshileri qatysyp otyr.
